1 Asisi perekari awo kebe awoyo, ate Mamo da asisi be mo dawore awo etokogo etokivuyo, aminda be awo kesokowa ari nembo nembo be awo pusuta ei ereto teora teta Mamo keije. 2 Arawo aisoa kito awo mo Mamo da asisi be mo dawore awo keisora, asisi perari awo timbo Iesu keriso ta dei pejeore Mamo na embo ta dei asisi ainge eto puvua. 3 Eto asisi perekari Iesu ta dei timbo pejae eora amo Mamo da dei eto puraera.Asisi emone Iesu ainge eto purisia ingiea amone awara mandu puvia. 4 Mo amo Mamo da tohora, nau kinapeina serikevuyo, aminda be amo embo no jota amo tukabe eto embo psu eminda ando besita amo isapu. 5 Pusu eminda embo mei amo pusu embo mei na ,eto pusu na embo mei aminda ke awo ingiua. 6 Ungotenaamo Mamo dara. Embo Mamo kiari amo ungotenau ke ingisia. Embo Mamo da ae amo inganau ke ingisae.Amina eriya amo asisi kebe te asisi kesokowa te. 7 Ungote tunga mina humba are, tunga humbari amo Mamo dara, embo amina tunga humbari aisiaamo Mamo tota jota humbasia eto keisia. 8 Tunga humbari ae embo amo Mamo keisaera, Mamo amo tunga humbari. 9 Tunga humbari aisoa amina awo Mamo na doda perekari awo au isaga aisia, aminda be awo Mamo na tota mei awotavo awo ikete ungotna embo pusuta beto sari uiya, embo aravo embo irora. 10 Tunga humbari ei, ungoten Mamo tunga humbaera, ate Mamo ungotena tunga humbua, eto tota mei awo ungotena timbo awo au jai aiya iketei putia. 11 Mamo ungotena tunga uha ainge nombo embo nenei tunga humbuvyo. 12 Embo amina Mamo kiaera.Ungotena tunga mina humba aisora awo Mamo ungote namonde irisia, eto tota tunga humbari awo inganau dei jaibe be irisia. 13 Ainge aisora amina awo ingana embo aminde mindera awo keisora eto embo amo ingana monde midia ainge awo keisora, aminda be awo inganaudei asisi awo ikitia. 14 Tawo ainge ungotena doda mandu awo kewora eto tota mei na etei isaga uia, eto mei awo iketei ingana awo embo pusu ta beto sari uia. 15 Embo amina tota timbo arawo Iesu Mamo da meiainge ue pejasia kito awo Mamo embo aminda jota eto embo amo Mamo da jota. 16 Ungotena keuvera kebe uera, Mamo ungotena tunga humbua.Mamo tunga humbari, embo amina tunga humbari ua awo Mamo embo aminda mindia, eto embo amo Mamo de mundia. 17 Arawo eto tunga humbari na etei ingana jai uera, arawo eto kito tota hasari iji putua aminde awo ingana pusuta koropa aisora. 18 Tunga humbari ue kito sasamia aoyo.Ate tunga humbari jaibe ue doda sasamia awo toyo irae ai, aminda be amo sasamia aisoa amone no dei bouka tiuka purisia. 19 Ungotena tunga humbasora aminda be awo tuture beta Mamo ungo tena tunga uiya. 20 Embo amina, na Mamo tunga uona, ainge jie tota namei tunga humbae aisia embo amo kesokowa embora. Embo amina namei tunga humbae ua eto keua amo Mamo tunga humbaera. 21 Emone tavoto Mamo da agotari ra, embo amina Mamo tunga ua ainge nombo awo namei tunga humbaiye.