1 Kiore tunga humbari mo doirami Mamo na ikitei,eto umgotena tota kinapeina ke jiei, arawo eto pusu ungotena kiaera.Aminda be amo Mamo kiaera. 2 Tunga uona Mamo dokinapeina, doda do awo aekiaera do mindiya awo.Ungotena keisora Iesu purisia amo kiari teta embo ainge aisora. 3 Embo amina hotembari Iesu hena ikitua amo teta Iesu ainge aisia. 4 Embo amina timbo aisora amo agotari pekitora,timbo amo agotarira. 5 Keisora keriso au kiora uiaamo timbo au irae aiya uia, eto tota dei timbo awo irae uiya. 6 Embo amina Iesu te irisia amo timbo aisaera, ate embo amina mandainge timbo ue irisia awo Iesu keisaera. 7 Kinapeina, toavo embo neina ungo humbuto embere samia da pambaro. Embo aminajai ua amo jai aisia tekatawo keriso jai ainge nombo. 8 Embo amina timbo ua amo sowai tara sowai tuture beta timbo uia. Arawoembo Mamo da mei Iesu awo etei be uia sowai usimbesi aisi. 9 Embo amina Mamo na uia, awo timbo mandaing mani aisia,amina beawo Mamo da ji be awo tota dei mindia. Timbo kaiketo mani aisoa aminda be amo mo Mamo na uia. 10 Iji eminde awo Mamo da kinapeina eto sowai ta kinapeina kiae awo keisora. Embo amina jai ae eua eto namei tunga humbae eua awo iesu ta aera. 11 Ke tuture beta ingiewa, tunga mina humba evuyo. 12 Tetacain ainge awoyo, sowai eto tota namei tetei sari uiya ainge mani aisowa, do eto tota namei tetei sari uei? Tota awo sawai eto namei nda awo jaibe. 13 Namei kamei,titi jaroro awoyo, pusu na ujae au. 14 Keisora, ungotena sari ari awo seriketo basiri humbera, aminda be awo namei kamei tunga humbari.Embo amina tunga humbae aisia amo sari aisia. 15 Embo amina uje aeua amo embo tari sari ari embo ra, embo tari sari ari embo amo Iesu ta dei iraera. 16 Emina awo tunga humbari doire awo keisoa.Aminda be awo Iesu ungotena embo sari eto eruria tekatawo ainge namei kamei da dei aisowa. 17 Embo amina pusuta jai eto namei keuve jo peikeoa, amo mo embo nenei arawo embo aera. Ainge aisoa amo Mamo da tunga humbari dainge eto mode irou. 18 +Nau kinapeina teo ivivi keawota, kebe na basiri ta ikevayo. 19 Ungotena keisora ungotena awo kebe ta irisora, eto ungotenau jo awo Iesu embo ikasora. 20 Ungoten nau jo uje uje ae aisia, Mamo da jo amo be tuka bera, eto doda perekari amo keua. 21 Ungote nau jo uje ae aisia te, koropa eto Mamo hena pambuvuyo. 22 Do humbasi nganega aisora amo ikau humbasora aminda be amo tota agotari awo jigioa eto pure perekari jaibe tota tombuta. 23 Emone tota agotari ra, eto tota mei Iesu keriso awo kebe aisora ue tunga mina humba aisora teta tota agotari ainge. 24 Embo amina tota agotari awo jota ikasia awo mo imode irisia, arawo eto mo ingana mode irisia asisita.