¹ Umo awa sekago engenembedo Capernaum uso nati da budo atiri binga ingisera. Embo mi edo uso arapa ainda usisera, edo Iesu embo da yei binga ewamei sisira. ³ Embo roinge awodo ami embo karude awa budo Iesu da yei busera. ⁴ Awarate Iesu awa buro ise bugusira edo budo mando joda buro iri awa embo God sedo uso yei gajisera,yei atae etiri karu embo da awa mando saa pirigedo Iesu da ititisera. ⁵ Iesu gido sisira, iso ge be arida awa imo ewamei etesa. ⁶ Iesu wasiri awa etiri embo mi gido kove isera edo umo averi awa gadi jarise atisera. ⁷ Edo rawodo edo teta mamo utuda amimi ge sarago iri, sedo uso yei ge bebegae awa sisera. ⁸ Awarate,Iesu burigib be ungoda jo gosisira. Edo Iesu mi sisira, ro edo ingo da jo jarojaro ise atevi? ⁹ Ge ro awa embo karude ainda yei seni, uso bebegae kotembedo doenita o erido iso bebegae awa budo pepeta eyo seni? ¹⁰ Ate embo da mei ami jimbo bebegae awa kasadira ainda be, Iesu umo awa bajari ari busuda awa uso tamonda atira. ¹¹ Nanemi sena imo erido iso besi budo mando da mambuyo. ¹² Umo awa erido uso besi budo, embo atisera ainda joda pepeta etiri embo mi Iesu da goroba gido Mamo utu da awa jasiga isera. ¹³ Iesu awa umo diuga ainda mambudo embo usetero atopatari ititisira. ¹⁴ Iesu pepeta ise Alphaeus da mei Levi awa embo gano sirigari embo ainde da atiri jawo sisira, etiri erido amboambo isira. ¹⁵ Iesu awa Levi da mando da,gano bari embobode edo jimbo ari embobode indari indisira. ¹⁶ Edo babajegari mi gido uso ambo jimbi da yei sisira,ro edo umo embo mei ounde indari indise atira sisera? ¹⁷ Iesu mi ingido ge mina sisira,na embo evagaewa embo bugaera ate embo jimbo awa jawosadi buisena. ¹⁸ boroko John da ambo jimbide pherisees awa mamaso era.Awa ero embo mi Iesu da yei sisera,ro edo iso ambo jimbi awa atero edo embo mei oia awa mamaso eri. ¹⁹ Iesu edo ge mina ungoda yei sisira,embo jimbari da bugadera awa jimba dira embo awa atirari mamaso adiae ra. ²⁰ Awarate ,iji bugadira ainde,jimbadira embo awa mambari,ungo mamaso ainda ambo da adera. ²¹ Embo nomi gara matu awa budo seka adiae sisira,awa adira gido,uso gara awa burigi be biae adira,edo sekago ewamei adiaera. ²² Embo amimi vine matu indari awa sekago utirigi seka ainda jojadiae.Jojadesa gido awa vine seka awa bejedo memeya adira edo sekago ewamei adiaera. ²³ Iesu uso iji kotopu ainde pepeta edo pisa guruda mambutero ambo jimbi mi pisa be awa sirigedo burisera. ²⁴ Pharisees mi sisera,wasiri boroko era awa agodarida atira awa erita,ainda be awa iji kotopu gido? ²⁵ Iesu mi ge mina sisira,David uso embo de beji etiri ro yere awa gosisevita. ²⁶ Edo rawodo edo umo oro kotopu da torido Abiathar,embo oro awa simba adera ainda uso roviravi awa indisira edo awawa agodarida atae awa isira. ²⁷ Iesu mi ge mina sisira, iji kotopu awa embo awa isira, ate embo awa iji kotopu awa embo aera. ²⁸ Awasedo, embo da mei awa Iesu, edo iji kotopu de daedora.