Tano 3

1 Naso nano-namendi, ingo jiwae awa atopatari embobo adi ae ra,ingo gosewa, nango amemi atopaputera awa kasari nembogo badera. 2 Emboro jowai da awa nango duradera, embo are ge da duradi ae awa umo embo kotopu, edo uso tamoda bebegae awa ijegadi ae. 3 Boroko ingode hores' da be ainda,rora itoro ingena kera adiri,ingena ingoda tamo berari wasiri adira. 4 Sekago giwo nga nembodiba, bisara mi pigetiri sumbira te sarau kinyambu nga joda atiri ami emboro rawodo yarase itira anodo yera, te nga da simba ari embo da dipapa awodo sumbira. 5 Dawodo awewa awa tamo da pato da ra te, koae gatari embo.Sekago gido riawo kinyambo ate saote nembodiba awa etiri evetira. 6 Aveva awa vevera riawo avodo bebegae awa uso yei da atima ira, aveva awa tamo da patu da, ingode naso tamo awa iri dongono ise edo ingode naso wasiri awa riawo awodo siroro ira (hell) mi ri awo awodo ititira. 7 Ambe da woberari de, ri memei de jingabu de edo singina da wo berari awa tamo era,edo embomi matu tamo isera. 8 Embo mi aveva ava otao awodo arikato ae , aveva awa ge gatari raro biae , inoapo rora uso yei jiwae be. 9 Aveva mi ingode mamo kotopu utu topo awa jasiga ise dodo ingode embo nenei mamo kotopu uto inge ainda yei biae sena. 10 Ingode naso be da ainda ge eya ingode naso be mi sadi ae. 11 Sasaka uriribe da ainda edo ngamo de tokaka de ijegurita? 12 naso nano namendi ri mopi mi be olivesawa ae etipa? Edo musiba mi mopi be awa bae etita ? Da awoda eva mi sasaka porere sirore ae atita . 13 Isoda teda embo dubo de gari de ateri ta ? embo a wa dovo wasiri ewamei awa karigare uso buro da. 14 Iso joda emo o tubari de, iso gari jasiga esa gido imo ge moka awa sae dodo ge busesa. 15 Jiro sari eya utu da edo wosae, rate, busu da ge busari , asisi biae da gemi jarojaro de , edo wasiri bebegae awa adera. 16 Ge busari de , asisi bibae da gemi edo wasiri bebegae awa adera . 17 Giti awa jirogarida , jo dongono ae, jo jamo jamo- dubo bari de, saboa de , sapo ari de, jo ari de , edo na nasuka sari de . 18 Awarate dagari ae da be awa jo jamo jamo ari de awa embo amemi torira ainda yei.