Tano 2

1 Naso nano- namendi, ingoda ge be Iesu da yei awa embo,ingo dipapa ewa embobo ainda eowe. 2 Embo roviravi juwaede edo embo roviravi ae de awa uso da-da ari da bugusera. 3 Ate,embo roviravi de awa anumba evamei da anumba are,edo embo roviravi ae de awa oundo deri,o ainda naso tei da deri. 4 Imo iso kotari bebegae awa kotesita? Imo kotembari biae awa kasadi esita? 5 Ingiwo, naso dubobari nano-namendi, Bada ne embo busu berari da, embo roviravi ae de awa dipapa edeira.God umo busu da rora ae embo rate, uso giti jigari da embo ave imo dubo burise iso kinapeina arase sarigari da sise sita? 6 Ate imo rora ae embo awa kotopu ae isesa, rora de embo mi iso yei da biae sisita? Ungo imo jumbudo budo kasadi mambusesita? 7 Iso jawo evamei awa etero biae isita? 8 Jiwari da sari atira, ''iso embo nei dubo buio, imo isuka dubo buresa awodo.'' 9 Embo imo dipapa esa ainda yei evamei esa,ane imo ne jimbo esa, ane imo ne kasadera agodari bejari sedo. 10 Umo amein agodari berari awa ambo-ambo ise atadira, ate biae da ro adira awa agodari berari bejadira. 11 Sarida atira awa, '' ipu da eose'' edo setira daso betore edo setira, imo ipu da aera te, embo deteso betetira ane imo agodari bejetesa. 12 Sari da edo ari da awa kasoro imo wujegase. 13 Ate riroga awa jo ise bugae ra. Ingo amei jo ae edera ainda yei. 14 Rora, ro awa ewamei iri,naso nano-namendi,embo amimi sedera,na umo tumonda ena,ate wasiri da aera? edo imo amimi dedegadiri? 15 Awa embo, nano-namendi de jautato de,awa ombari-digari ewudo edo indari itadesa. 16 Da mi sadira,"jo da de mambuyo,ewamei edo atiwo.'' Ate imo roviravi ungoda tamo embo,itadesaawa ainda ewamei mo rori? 17 emboro da awodo ainda awa tumondari edo buro adera. 18 Ate embo da mi sadira," na tumonda ari de edo nei awa wasiri de. Naso ge ra,embo amimi tumonda ise edo wasiri da itadera.Nanemi naso tumonda ari mi awa wasiri edena. 19 Imo God atira awa gebe edo esa awa ewamei ra. Ate asisi biae be awa daedo sesa awa gosise jaro-jaro edo era. 20 Ate gadi dipapa esita, embo ge awodo ge be gae awa jaro-jaro edo ira. 21 Abraham awa ingode naso mama amimi uso mei Isaac awa, da God da itadi isira amone atira awa embo isira. 22 Gosesita ge be ane buro edo ira.Edo ge be edo tumonda ari awa budo bibinago natopo atadira. 23 God da ge awa etiri be isira,edo ge ami sisira Abrahamawa God da embo edo God da otao. 24 Einda mi iso umojigari awa goroba ira. 25 Da awodo awa evetu Rahab jimbo evetu ami binga kundo bugusera, embo embo-soregedoemboro ujugetiri mambusera. 26 Awasedo tamo asisi de petae ne betadira. Da awodo tumonda ari wasiri ae sumba ae. Irare daedo betari ra.