1 James, God da kera ari embo edo Iesu keriso, edo uso orobe Twelve kotembari evamei ae :Ategari! 2 Dubo evamei be ewa naso nano-namedi,biae iji tambadewa awasedo. 3 Imo gosesa iso bagari awa iso gebe ari awa natopo atarase. 4 Ate iso gebe ari awa doio sangowe are, awasedo imo awa bajido sangowe adesa, nomi gajo-gajo adiae. 5 Ate imo amemi dubogari, dipapa edo gido re God da benunu seio,unemi kando edo ira dumo ae. 6 Ate ge bemi sare, mana-mana adi ae. Edo embo amemi mana-nama ira awa bisara ewa yawata de erido ira da awodo ra. 7 Edo embo awa evamei God kena badira awa koture. 8 Edo embo awa kotembari etoto de ra, awa sedo umo awa atae sumbae edo ira. 9 Doyo, namendi nei ro atae awa jasiga are uso gitijigari awa embo, 10 ate rora jiwae embo awa uso saboga ari mi ri wuji dawodo adira. 11 Edo waiko wewerade janimbedo saote da ri wuji awa garasa edo ira edo uso wuji awa sokedo wosedoira, edo uso sago gari awa manjedo ira. 12 Embo bagari derigetira awa evamei bera.Edo umo bagari derigetira awa, uso wasiri da gobe awa badira, embo God dudo budoera ainda siya arira awa. 13 Embo amemi ''na awa God mi bagetira awa sadi aera.'' 14 Ate embo da-da awa uso jimbo topo ami bagedo ira edo jumbudo uso dipapa da petedo ira. 15 Edo uso ujo awa kotembedo,awa jimbo siroro edo ira, edo jimbo awa bajido nembogo edo awa betari awa ingadera. 16 Doawo ingo ganubeore naso dubobari nano-namendi. 17 Roviravi evagawae edo kando evamei be awa utu da edo jojedo ira. Mama utu da ainda yei edo bureregari uso demonda nei atae. Jo wareregari amimi matu da bebegae ainda kariwa awa tambadi aera. Edo sekago wareregedo biae mana gadera. 18 God ingodena awa gemi awigedo itiri siroro isera gebemi, awsedo ingodena awa rora berari etiri siroro isera ainda gitibera. 19 Ingo gosewa, naso nano-namendi:Ate embo berari awa burigi ingadera, ate ge sira awa sasain badera, edo sasain bari mi tini gambari adera. 20 Edo emboda tinigambari awa God da evamei awodo aera. 21 Awasedo jimbo bebegae awa God da ewagaewa de buro adi aera. Ge awa saboga arimi baso iso asisi awa jebugare. 22 Edo ge awa wasiri da iti, ate ingari berari eose, imo isuka ganubeose. 23 Imo amemi ge ingira ate wasiri da itae gido, awa umo usuka atitida uso dobu awa usuka gari inge ira. 24 Umu usuka rawodori awa tega edo awa mambudo sekago ruwegetira. 25 Ate embo awa imo usuka ge da wujegadira awa tepora, mata awodo ise atadira, tepo ingari berari aerate wasiri da itari embo gido uso evamei awa tambadira. 26 Imo embo amimi kotopu ise dodo, be simba ewamei ae ira gido umo usuka uso jo awa ganuburira edo uso kotopu ari awa biae etira. 27 Kotopu be dongono ae, usibesi ae awa God mamo da kondade popoiwo edo ngajari mane da dipapa awa kandade ise doro busuda wasiri mi dogadi ae.