¹ Edo gaeko 14 atae etiri,na sekago Barnabas ga Jerusalem vivitise ra,Titus bugudo mambuse na. ² Na Jerusam vivi tisena ainda be ne,karigari mi sira awasedo,edo ungo da arapa da na orobe neida yei binga ewamei minonu sisena awasedo na gae unjugari da embo nengogamo sedo na oju sumbae awa gorase. 3 Edo Titus de daedo umo Greek embo awa nagae mambusira awa engega etero Jewis da embo da tamo kotopu andiso diugari wasiri awa isira. ⁴ Edo nanonamendi orobe nei da amimi oro nango keriso da simbada atera awa ungo unjugari da gido oro nango agipo embobo arase. ⁵ Awara te nango ingo iji tupo ungoda dipapa da petae isera oro amimi binga ewamei ingoda yei awa gebe edo petarese. ⁶ Awara te ungo embo nembogambo koveri awa naso yei awa petae isira,God awa embo nei embo ise nei doaera. ⁷ Edo ungo mi gosisera,na awa ewowo wasiri embo da tamo da kotopu andiso diugari da wasiri awa ae. ⁸ God,Peter da jo da embo da tamo kotopu da tamo andiso diugari burisera ainde simbari embo isira awasedo na orobe nei deda buro edena. ⁹ Edo James de Caphas edo John de daedo ungo awa tumonde bai ari yei jigero eririsira. ¹⁰ Edo ungo nangoda yei sedo gosisera,nango embo beji de atera awa kotorose sisira.Edo namone rora ro awawa adi dipapa edo ena. ¹¹ Awarate embo jawo Caphas Antioch bugiri na uso dombu da ujo ae isena umo awodo adi ae awa isira. ¹² Giti da embo nenei mi James da yei da edo bugusera,Caphas awa orobe nei de indari indiri awa embo mei aiawa bugero umo orobe nei awa oju ari isira. ¹³ Daedo Jew berari awa kumbudo yisera edo Banabbas umode daedo bekuba isera. ¹⁴ Awara te na ungoda ari wasiri bebegae awa ise,binga ewamei da ge moka awa ambo ambo ae era awa gido,na Caphas da yeiberari da joda sisena,imo awa Jew ta? ¹⁵ Edo nango be awa jewis da ingero embo jimbo de awodo aera. ¹⁶ Awara te nango gosera,embo ave awa agodari da wasiri mi euri usasa aedo era,Iesu keriso awa tumonda edo amimi isaga edo era. ¹⁷ Awara te nango keriso da yei awo do ewamei adi sedo adera amone,nango da jimbo awa gadera. ¹⁸ Na rora iji dade roviravi usibesi isena awa sekago jigano eradira amone agodari bejari embo awa arapa adena. ¹⁹ Edo agodari da bebetisira awase do nango God embo atadera. ²⁰ Na awa keriso ga da orega da bebetisena,te nanemi atae rate keriso mi naso joda wasiri de atira. ²¹ Na God da ewamei awa demonda itae rate ewamei awa kumbadi agodari da awo do adena awa keriso re tepo bebetisira.