¹ Paul umo awa bada da buro embo edo gari awa embo embo mi atae rate mamo edo bada Iesu mi setiri edo jigiri eriri itiri goisira. ² Edo naso nano namendi Galatia busu da sonembari ungo da yei da ititena edo God ingo naso,mamo edo Bada Iesu da bega ingo da yei. ³ Imo kotembu komtembu edo bega God mamo edo Bada da yei. ⁴ Umo inganaso jimbo awa embo orega da oregedo busu embo edo awa embo God edo mamo da dipapa. ⁵ Uso yei da jasiga de ategade natopo edo natopo be.Amen. ⁶ Nambe kove edo unemi imo sega eteri bigiri warerege do Iesu kotembu kotembu ise na be kove ena imo binga kumbudo warere gosisesa. ⁷ Binga neide kainde aera te embo nenei mi buriga edo Iesu da binga awa kumbudo warerega dera. ⁸ Ate ingana tamo andera utu da binga sadera awa nango mi uso yei da sadera ane uso buriga ra. ⁹ Ingode matu sisera ambo da gido sekago sena ate embo binga nei awa sadera awa imo iso topo awa gumbuio. ¹⁰ Na awa God da yei da awara ari burena edo na awa embo nei da yei da atega.Na awa embo nei da yei da ategaena, na Iesu buro embo ae. ¹¹ Na be gadi dipapa ena nano namendi,binga nanemi sisena ate embo da binga aera. ¹² Ate na embo nei da yei da baera.Ate awa be gosisena, ate be, Iesu karigari naso yei da. ¹³ Imo wasiri naso matuda gido isesita na be awodo edo God da embo mei dedo gaiedo demo beda awa usibesi era. ¹⁴ Na sekade wasiri matuda edo na naso gaeko matuda,edo na embo topo da yei da awasedo wasiri bebegae naso mama mane da yei da. ¹⁵ Ate God unemi na avigurisira aia da tina da jawo de kotembu kotembu de. ¹⁶ Naso yei da uso mei awa umonde embo yei da be sena,nambe ungo da edo uso yei tamo de ororo de ainga. ¹⁷ Na awa be Jerusalem ainda mambutena edo buro giti isera embomei awa mane, edo na mambudo Arabia edo engenebedo Damascus bugusira. ¹⁸ Edo amboda gaeko tamonde atae etiri Jerusalem mabudo awa Cephas gido edo na ungae iji ribori be atise na. ¹⁹ Ate na buro embo nei ro gae berate James umo da be awa Iesu da namendi. ²⁰ Ainda be ro awa,nanemi uso yei da gaisena,nanemi God da yei da umo awa sena,edo na ge busae ra. ²¹ Edo na mambudo yei gano Syria edo Cilicia. ²² Na awa be Judia tumonde ari mando ainda aera ate Iesu da yei da ra. ²³ Ungo mi ingisera awa sisera,embo wasiri bebegae nago da yei da isera boroko ge tumonda ari edo gebe ari awa unemi be usibesi sisira. ²⁴ edo God jasiga ise atega era.