1 Namendi dubo bari awa matawa atadira. 2 Ingo usuka simba ari awa ruvegeove. Edo embo nenei anela mane simba isera ungo gae atise. 3 Engiregari da atari embo mei de atise awa kotebeio. Daedo kotewo avekave awa simba ewamei ae edera, imo tamo pisi mi ungode daedo atesa awa gio. 4 Embo berari jimbari kotopu awa sapo ewo. Ewo jimbari kotopu awa ewamei be are. God mi embo ipuda ari embode evetude awa kasadira. 5 Money awa aso iso atari awa biae eure. Rora ro jigido atesa dawa jigido atiwo, God umo usuka ge eiedo sisira, "Na imo gido doadi aera, na imo gido garago adaera." Awa sedo ingode gebe mi jode sore. Bada awa naso kondade ari embo, na oju adi aera. 6 Awa embo jo jigiwo okain are, na awa oju adae, Bada awa naso kondade ari embo, embo amemi naso yei ro eri? 7 Giti jigari embo mei awa giwo, God da ge ungoda yei sisera edo ungoda wasiri awa goise ungoda gebe ari awa goise dawodo ewo. 8 Iesu Keriso da awa sipe atisira, boroko atira, edo matawa atadira. 9 Doaso atopatari jiwae be mi edo kariwa neide kainde mi ingo kund demonda mambure. Ainda be awa ingae naso jo awa God da kondade arimi okain adira, ate tamo pisi da indari kondade adaera. 10 Tendeba kotopu da buro ari embobo awa mana indari Bada da atari jero da atira awa indadi aera. 11 Wo maneda ororo awa God da buro ari nembo gambo mi budo God da tendeba kotopu da torido era, ate ungoda tamo awa nati ponda dungadera. 12 Iesu re da awodo nati ponda memesi burisira awa ari ingodena awa etiri uso ororo kotopu isera. Bada uso ororo kotopu ami uso emboda Asisi da ewamei edo bibinago arida gorose. 13 Awa sedo ingo uso yeida ingode mambore. Uso atari boga ponda ainda, edo uso me gari awa ungode bore. 14 Awa sedo ingode naso natopo atari nati nembodiba awa ataera, ainda konda awa ingodena awa embo nati seka butira awa diti era. 15 Uso joda edo, ingode natopo rorou ititise God jasiga ise atise, uso jawo awa jasiga is atore. 16 Awarate embo ewagaewa edo umo jigari embo mei de awa ingode ruvegeove, ainda be awa God embo mei awodo awa rorou eiedode dubo ewamei edo ira. 17 Iso giti jijigegari awa kera eio edo ungoda yei iso wasiri berari awa ungoda yei itio, ainda be awa ungoda wasiri awa ungomi simba edo era, ainda be neida awa ungo ro ewora ainda mina awa itadera. Kera iriroso iso giti jijigari awa jo yaviri de buro ore, ate tini gambari adaera, ainda be awa iso yei jigama ari katogo ae adira awa sedo. 18 Nango embo benunu sewo nango ewamei tambore edo nangoda kotebari de nangoda tamo da dipapa de rora berari de awa ewamei atarase. 19 Awarate na ingo dengoro nembo be ena amone naso engenebari awa burigi be adena awa sedo. 20 Boroko God da jo jamojamo ari betari da budo engeneburisira ami God da wo mane simba ari embo mei de, ingodenaso Bada Iesu, awara ari natopo atari, mi ingo berar awa sirigari ewamei be adira, ari uso dipapa da edo uso yei ewamei be edo petadira, Iesu Keriso da jawoda , uso yei jasiga mata awa atadira. Awara! 21 Rovi ravi ewagaewa berari ami ingodena sia isira awodo ari ami ingona uso dipapa be awa orase, ingodenaso joda buro ira awa iso dipapa awa orase daedo Bada Iesu Keriso da usasa de parara natopo atari awa atarase. 22 Na boroko awa ingo engega ena, naso nano namendi, God da esusu awa jigiwo, ge tupo kain bemi iso yei owe isena awa kumbuio. 23 Ingodena gosena ingodenaso namendi Timothy awa wujegari betira, umonde ingode berari gadena, umo bugadira aingode. 24 Babajegari ategewo embo kokotopu de daedo avekave Italy ainda atera ainde daedo ategeio. 25 Ewamei ari ingo berari da yei atare.