Chapter 1

1 Giti be giti da God mi apie umbogo da yei uso binga sari embo mei da yei iji jiwae be edo emboro neide kainde da ge sisira. 2 Ate iji sangove einde, God uso mei da yei ingodenaso ge sisira, mei mi rora berari da giti jigari arase. Uso toda edo utu de busude awa isira. 3 Edo Iesu awa God da usasa edo sago gari edo umo awa ge da goroba mi jigido atima ira jimbo segedo atae isira ainda budo awa umo God da ingo be inda anumbedo atima ira. 4 Awa sedo God mi Iesu da jawo awa anela berari da jawo sedo, jawo ewamei be awa ititisira. 5 Edo iji da nonde God mi uso anela da yei ge eiyedo sisira. "Imo awa naso mei, boroko na awa iso mamo etena"? O sekago sisira, "Na awa iso mamo etena, edo imo awa naso mei adesa"? 6 Edo sekago, God mi iji ainde, uso mei bugo budo busuda bugadira ainde, unemi sisira, "Doyo God da anela berari mi na jasiga ore"? 7 Unemi anela mane da yei sisira awa, umo unemi anela mane awa Asisi edera edo uso agipo ari embo mei yawoda aveva inge adira. 8 Ate uso meida yei awa sisira", Iso anumba O uso atari jero natopo atadira. Uso atari jero da giti jigari awa bega de natopo atadira. 9 Awarate imo awa bibinago be dubo burise ago dari jigari embo mei awa dubo bae edesa. Awa sedo God iso God mi imo ewamei isira ami ari yaviri edo umo jigari da Asisi mi beda arase. 10 "Tuturo be da awa Bada inemi busu da tuturo etesa pepetisira. Ainda be awa utu iso ingo mi isesa awa sedo. 11 Ungo majadera ate imo awa natgopo iso atadesa. Ate ungo awa teta bo begiti mi keredo ira awado adera. 12 Awarate imo awa teta bo begiti awodo ruadera awa iriroro ingo awa kaveregedo bo begiti awodo adewa. "Ate imo awa kariwa da awodo atadesa edo iso duberi awa sangove adira. 13 Awarate iji da node God mi uso anela da yei eieyedo sisira, "Naso ingo be da anubedo atiyo, atiroso iso gitopo embomei awa ano iso tei itari jero awodo ore"? 14 Anela mane mi Asisi God sapo ise atera awata, edo ungo awa God mi embo mei simba ise kaviegarie natopo atari itoro barase buserita"?