Chapter 1

1 Paul, Iesu Keriso da bura ari singa God da awodo edo God da embo mei Ephesus nati, amemi Iesu Keriso agipo edera. 2 Sonebarida, begade, ingode naso mama God da yei Iesu Keriso de, da yei. 3 Ingode naso, mamo God edo Bada Iesu Keriso awa jasiga ore ungo mi ingode na ewamei isira Asisi kotopu awo ari yei utuda Iesu da joda,. 4 God ingode na avigurisira uso joda busu ae tuturo da, ingode na kotopu edo bekuba ae edo isira uso dubo barimi. 5 God mi ingodena giti beda avigurisira edo Iesu Keriso da yei kando ititisira. Ewagaewa demi uso awara ari ititisira. 6 Ingode naso kando itari da amone, uso sanebari, tepo be ingode naso yei da uso dubo bari mi itido ira. 7 Iesu Keriso da joda, ingodena uso ororo mi ombudo burisira edo jimbo awa kotebedo doturisira, uso sonebari, edo buri gaiapa de da emboroda derido era. 8 Unemi rorae berari sonebari, dubo garide edo ingido gogo ari de awa ingode naso yei ititisira. 9 God. mi etiri ingodenaso yei isaga isira , uso awara ari , edo be unjugurisira nomi euri umo dubo dave edo iri ,unemi lesu da yei etiri arapa isira. 10 Daedo nei kiambu etiri petari iji berari da , edo rora berari budo dada isira,edo rora berari utuda busuda ,busu tuda ainde ga dada isera . 11 Iesu da jo mi ingodena awa avigurisira uso kinapeina edo ingodena giti beda rora berari awa itae petae atiri unemi uso kotebarida ititisira uso kotebarida gambusira . 12 God ingodena uso kinapeina avigurisira,edo ingode nanemi giti be iji da keriso da ge tumoda ore edo uso sagogari jasiga borega ise atorase. 13 Keriso da jo da umo daedo uso ge moka be ingise edo binga ewamei ingesa ami iso soregari da awa gebe esa, iso joda Asisi kotopu mi sarigari sisira awodo ewamei isira . 14 Edo unemi awara etiri ingode na uso topo edo ingodena jero budo uso sago basago de, edo jasiga borega de awa tambusera. 15 Ainda be awa, uso tumodebari awa Bada lesu Keriso da yei edo iso yei da edo God da embo kokotopu berari da yei atima ira. 16 Na God, ategurena awa daedo, naso benunu ainda awa na ingo kotebedena ingo da da ainda jawo da benunu sedo ena. 17 Na benunu sirinono iso joda diti awa pirigari imo gadesa tumonda ari mi imo anawaya de uso sago gari de. Edo God da embo kokotopu berari ainda tegada imo daedo jo da atise awa gadesa. 18 Edo benunu sirinono iso joda diti awa pirigari imo gadesa tumonda ari mi anawaya de uso sao gari de. Edo God da embo kokotopu berari ainda tegada imo daedo jo da atise awa gadesa. 19 Na benunu de naso sedo garide mi imo mina sembae ae goroba da awa ingodena kena okai tambadera edo amimi ari ingodena uso wasiri dave da goroba da uso emboroda awodo mambore. 20 Edo goroba de, edo uso awara ari de awa, God mi Keriso da joda unemi Iesu da betari da jigiri eririsira, God umo mamo de daedo uso ingo beda atira uso aruta kotopu da ainda atima ira. 21 Keriso ingo beda anubedo, rovi ravi berari, busuda edo utuda, awa giti jigari de, goroba de, jawo berari da jawo ande awa Iesu mi giti jigido ira. Edo iji boroko ainde, edo iji amboda bugutira ainde daedo. 22 God mi rora berari awa Iesu da tei jigido tuda atima edo ira, Iesu umo awa uso yei church awa rora berari da susu edo giti jigari awa ititisira. 23 Edo church awa uso tamona, edo rovi ravi berari ane uso topora, edo unemi berari ainda jawo da titi jigido ira.