1 Boroko nango da nanonamendi ,nango embo pari sewo avo God da ge awa bejari embo berari mi ingore edo sapo ore , teta ingo da yei atira awodo . 2 Nango embo pari sewo , nango binein da ingoda edo God be gae ainda joda edo ijegore,ainde bere ungo da yei da tumonda ari atae ra. 3 Awarate umo awa God umo ro sira awa euri be edo ira edo unemi ingo da yei dubo bari itido ira edo biae da ingo dedegedo ira. 4 Nango tumonda ari Bada da yei da ititera ingo embo, ingo ro nango mi atopaputisera awa ise atiwo. 5 Bada mi ingo da jo awa dedegare , God uso dubo bari mi edo ro puradira awa ingo mi Keriso da jawo da serigadewa. 6 Nango bokoro ingo da yei sena nanonamendi, ingodenaso Bada Iesu Keriso da jawoda, amone ingo nanonamendi nenei beogo ise edo bia da atera ainde umo jigadi ae, ainda be re atopatari nango mi ititisera awa ungo ainda atae ra. 7 Ingo ingosuka gosena amone ingo nangoda tei katu ambo ambo ewa amone wasiri ewamei be. nango ingode atisera awa nango beowo embo awodo aera. 8 nango embo da yei indari itidoisera ainda mina awa daedo itido isera. Awarate nango tumba_iji buro okain isera amimi ari nango ingo da yeida buro okain ita era. 9 Nango wasiri eiawa isera awa nango da yeida bajari ari atira awa sise aera. nango eiawa isera ainda be amone nango ambo ambo awase. 10 Nango ingo de atisera iji ainde setero ingisera. embo ave umo buo ari ujoae ira awa umo indari indadae . 11 Nango binga ingera awa embo nenei ingo da teda awa ambo kotembae atera. Ungo buro nei ro ae atera awarate embo nei gido sari dipapa edo era. 12 Bokoro embo eiedo tete awa Bada Iesu keriso da jawoda ge okain be sise edo ingo dengoro ena amone eire ungo edo buro edo ungoda indari tepo awa budo indore. 13 Awarate ingo nango da nanonamendi buro ro isegido,ingo da jo doawo wosure. 14 Edo embo amei ge ro ove einda sapo ae adira gido embo awa be gido gogo ewo,edo embo ainde da umo jiove awodo awa imo me ngare. 15 Awodo sedo umo awa ingo da tini gambari embo awodo be owe,namedi awodo sasainbedosewo gare. 16 Bada bega itari embo nei unemi uso bega iji berari iso yeida itare emboro jiwae beda.Bada ingo de da . 17 Emone naso ategari , Paul , ingo naso topo be, kariwa ove berari ainda ititena ove eiedo jiwena. 18 Bada Iesu Keriso da ewamei ari ingo da yei atare. Awara.