Tano 2.Papatu,1-17

1 Nanonamendi na boroko ingoda yei sadena ingo denaso Bada Iesu Keriso engebadira ainde inemi ingode na jumbari ingo de na inda vitido ungae dada adera awasade na . v 2 Edo na ingoda yei sedo gosena , embo da amemi Keriso da iji re buwira sadira . Edo embo nei binga awa minonu sima awase sadira Keriso da iji re buwira sadira . Edo embo nei awa sadira nango mi owe etero Keriso da iji awa buwira sari gesadi ra. 3 Edo gaegae edo ge be eowe . Edo Keriso iji buwae atirari embo jiwae be jiwae awa God kera ari ujo aedera edo God ujae adera .Edo embo biae be biae awa umo amboda ryi awo mata awa evuse atadira ainda mambadira awa umo buwadira . 4 Edo embo biae be biae umo embo mi rora berari de asisi berari de tumonde bain edo eera awa ujae adira .Edo unemi sadira unemi rora berari awawa derigadira sadira .Edo embo biae be biae amimi God da tumonde bain ari oroda torido umo awa God sadira . 5 Edo ingo ruwegurisewita matu na ingo de atisena ainde na awa ingoda yei gere sisena. 6 Edo embo biae be biae amone boroko buwae etira te rora da romi uso emboro awa beitegurira . Edo ingo roraromi uso emboro beitigurira amone gosewa . Edo amboda rora uso emboro gajira rora aw serigadira iji ainde embo biae be biae amone buwadira . 7 Edo God mi ingode naso yei embo wasiri bebegae boroko era aswa isaga isira te amboda awa embo mi wasiri bebegae be bebegae awa adera .Edo embo biae be biae da emboro gaijira awa serigadira iji ainde embo mi wasiri bebegae be bebegae awawa adera . 8 Edo embo biae be awa budo isaga adira awarate Iesu Keriso awa buwadira iji ainde umo opu mi edo uso buwari da goroba nembodiba de usibesi adira . 9 Edo Satan mi uso yei goroba itari embo biae be biae awa budo unemi ari wasiri goroba de neidekainde adira edo umo wasiri awa adira wasiri amimi embo ganubadira edo wasiri embo mi matu gae awa adira . 10 Edo unemi embobo yi awo mata awodo ewuse atima ira ainda mabadera ainda yei gebusari ge neinde kain de sadira . Edo embo yi awo mata awa ewuse atira ainda mabutera ainda be awa ungo God mi ungo soregarase ujae ise uso ge moka be awa bae era awasedo . 11 Awa embo God mi ungo itido gadi isira ,awa ari ungo ge be orase isira . 12 .Ainda sangowe awa ungo berari awa iji ge kasari puradi ra ainde kasadera embo awe ge be ae edo tumonda ae era edo umo kena asusube petae era awawa ainda yei. 13 Awarate ingode na awa God mamo awa iji berari awa ategadera ingo awa embo ,nanonamendi awe kave awa Bada mi dubo burira awa .God mi ingo awa awegurisira asisi da edo gebe ari de . 14 ingo jawo sisira awa , Iesu Keriso da binga ewamei awa bawase sisira . 15 Awasedo ,naso nano namendi ingo de ro atopatari da burisera ge mi edo jiwari da ainda goroba edo derido petewo . 16 God ingode naso mama mi ingode na dubo burisira.Edo God uso ewa mei ari mi itiri ingode naso jo awa goroba de matu awodo atadira edo unemi ingode naso yei ro adira awa irari gadera. Edo God de ingode naso Bada Iesu Keriso de ungo mi oro ungo ujo ae atave. 17 Edo ungo mi esusu oro ro ewa mei awa goroba de ise edo save.