Tano 1

1 Paul Iesu Keruso da agipo ainda God da dipapa da edo Timothy nago da nano namedi. 2 Eiyawa nando da nano namedi gebe ari edo tumoda ari embo mei Keriso da jawoda Colossae atera ainda.Mamo God edo Iesu Keriso da bega edo soregari ingoda yeida. 3 Nango God ategurera,ingae naso Bada Iesu Keriso da mamo,edo nango natopo ingo embo benunu sera. 4 Nango ingo da tumoda ari Iesu Keriso da edo dubo bari embo mei God mi sisigedo ewoga itira ainda, 5 Imo dubari einde ra,ainda be awa imo embo,utu inda tumoda ro esa anene itiri atira.Imo emone ingesa,awa gosise boregarago ise ge kotopu awa tumoda eyo, 6 Iso yei da bugira awa.Da awodo iso yei da imo ge ingisesa iji ainde God da soregari be awa burisesa. 7 Ene binga ewamei Epaphras mi atopate tiri gosisewa awara.Nango da dubobari buro embo ra.Nango awa embo, Keriso da yei da buro ewamei be edo ira. 8 Epaphras mi etiri iso dubo bari adsisi da awa gosisera. 9 Ainda be awa dubobari eiya embo,ijhi ainda nango eiya ingisera awa nango ingo embo benunu sae dodo atera. 10 Nango ingo pepeta dambu derari Bada da emboro ewamei da.Nango ingo ge be awase benunu sera wasiri ewagaewa ise God da jiro garida bajave. 11 Nango benunu sera ingo goroba ari wasiri berari ainda derido uso goroba edo ditari ainda ambo ambo ise sasain bedo jo jamo jamo bave. 12 Nango benunu sera,ingo mama atega wase sera,unemi etiri ingo utu da atari wasiri awa boanda ise kotopu da,parara da atiwo. 13 Ungo ingode umega da atari da budo itiri ungode na uso mei da atari yei da mumbusera, 14 Ane embo ainda ingae na soregari burisera,edo bebegae kotembedo doarida. 15 Umone diti mi gae God ainda kariwa,siroro ari da mei bego, 16 Edo unemi roviravi berari awa itiri siroro isira,busuda roviravi edo utuda.Roviravi diti mi gido era,edo gae ra.Anumba tamoko,goroba tamoko,giti jijigegari,rora berari awa unemi isira. 17 Umo usuka awa rora berari da tuturo ra,edo uso yeida roviravi berari jigido atira. 18 Umo awa tumoda kopiri ra,tumoda ari embobo.Umo awa tuturo edo betari da bego bera,awa embo umo awa roviravi berari ainda tuturo ra. 19 Umo awa dubo ewamei ira edo umo rawodori awa uso yei da atae tira. 20 Edo mei da yeyeda roviravi berari awa betiri uso etira.God uso oregada oror mi bega burisira.Ainda yeyeda God rora berari itiri da isira. 21 Iji da de imo awa God gaera edo uso gitopo kotembarida edo biae da wasiri. 22 Ate boroko unemi uso tamo pisida betari mi etiri ingae na wujegurisera.Umo eiyedo isira ami etiri imo kotopu edo bekuba ae embo edo bebegae ae embo uso dubuda isesa. 23 Imo tumoda arida enjega desa,itiyo goroba bare,ge nenei sero ingesa ami ari demoda wosowe.Binga ewamei anene eiyawa embo berari utu tuda isira ainda ra.Na Paul ane binga einda buro ari embo isena. 24 Na ingo embo memesi burena,ainda jasiga awa ena.Edo naso tamo da roviravi nenei ae awa burena,Keriso da tamo embo,tumoda ari embo mei embo. 25 Nane tumoda ari embo mei embo na awa buro ari embo ra,na awa ingo embo God buro uso dipapa be awa anase sedo itira,God da ge awa ano be ara sesedo. 26 Eiyawa embo siroro ise pusera amimi dubo ge enjugurisera awa gari sago aera. 27 Embo mei ane ainda God uso gayap edo ditari ari tumoda ae ra,tumoda ari da ditari. 28 Anene umo awa minonu sera.Nango embo berari dengoro era,edo nango embo barari awa dubo ge de atopapo tera,awodo edo embo berari awa Keriso da kando awodo petadera. 29 Awa embo na goroba edo buro ainda derido emboro be da goroba de ena.