Tano 1

1 Na Pol mi silvinas de Timoty de mi ove eiawa Tesolonia nati da Iesu gebeari embo mei da yei da Mamo utu da ainde Iesu da embo mei da yeida, Mamo utu de Iesu ainda ititera. Mamo utu da mi ingoda jo jamo jamo ari de wasiri ewamei ari de ititira. 2 Nago natopo ingo berari embo Mamo da yei ategari itido era. 3 Nago Mamo utu da ainda jawo da ingo kotedo era, Mamo uso gebe era edo buro okaing de wasiri ewamei edo era Iesu da jawo da. 4 Nango da nano namendi Mamo Utuda mei ingo dubo budo awa avegurisira. 5 Ainda be awa nango da ge kotopu ingo da yei da busira awa, ge da aera, ate goroba de daedo asisi kotopu ainda joda. Emboro nei awa nango ravodori awa gosewa. 6 Imo nango ambo ambo edo ewa da, awodo Iesu ambo ambo edo ewo ainda joda awa okain tambudo esa awasedo Asisi kotopu ingo da yei da atadira. 7 Ainda joda awa imo Mecedonia edo Achaia embo awa tumonda edo era ami imo ambo ambo adera. 8 Ingo da yei edo Iesu binga awa, budo isaga etira Mecedonia da Achaia da aera. Ate ingo da tumoda ari Mamo Utuda 9 yei da atira ami eteri yei berari mambira. Ungo mi ungosuka nago rawodori awa ingdo ungoda yei da indiga isera. Edo ovekevari awa dodo Mamo utuda aindayei wareregurisera. 10 Ingodena awa sekago uso engenebari awa simba era. Umo awa uso Mamo betarida edo sekago jigiri eririsira.