1 Mamo ingae na ravodo duboburira awa giwo,awa sedo ingae na awa mamo da kinapeina ra.Ainda be awa busu arapuda mi ingae na ravodori awa gaera. 2 Ingodena awa mamo utuda atira ainda kinapaeina ra,awarate amboda ingode naso iso yeida ro adira awa ingodena gaera. Ingodena gosera, Iesu buadira awa ingodena umo inge adera. 3 Embo amimi umo simba ira gido umo ne Iesu ga da atadira. 4 Awa sedo embo amimi wasiri biae ira gido, umene Iesu da awodari begira. 5 Ingodena gosera Iesu usasa kundo bugusira, ingode naso bebegae kundo pigadi gido. Awa sedo uso yei da wasiri biae ataera. 6 Embo amimi uso yei da atadira awa wasiri bebegae adi aera. Embo amimi wasiri bebegae ambo ambo ira ane umo ne gaera. 7 Naso dubobari kinapena,embo nei doawo ingo kundo demoda wosore .embo amemi wasiri ewamei era ane ewamei be yesu awodo ra. 8 Amemi wasiri bebegae era ane binei da yei da edo butira.Binei awa tuturo beda jimbo isira.awa sedo mama da mei yesu awa oregada bete do usasa kundo busira ,awa edo binei da buro usibesi isira 9 Embo amimi utu da yei da edo siroro isira awa wasiri bebegae sekago adi aera .Ainda be awa umo awa Mama siroro ari da we-e awa uso yei da ititisira .Umo sekago wasiri bebegae ise atadi aera,ainda be awa umo awa Mama Siroro ari da yei da edo siroro isira . 10 Ainda joda awa Mama Utu da kinapena edo binei da kinapena awa usasada bugadera.embo amimi wasiri bebegae etira gido ,umone uso namedi dubobaera . 11 Binga anene tuturo beda ingisera ,ingae dubo mina bqara ora se sisira. 12 Kein awo do eose umo awa asisi biae mi etiri uso namedi dorisira be roembo dorisiri ? ainda be awa umo embo bebegae de buro edo isira edo uso namedi awa ewamei edo isira. 13 Naso nano namedi busu da embo mei mi imo ujae oro gido mana mana eose. 14 Ingo de awa betari dodo wasiri burisera awado awa gosera.Ainda be awo ingodenaso nano namedi awa duboburera. 15 Embo amimi uso namedi ujae ira gido embo ane embo da wasiri diugari embo ra.Embo da wasiri diugari embo ainda yei da atari natopo atari awa uso yei da atae awodo awa gio. 16 Euedo mi ingaena dubobari awa gosera,ainda be Iesu ingodena embo uso wasiri awa orega da ititi sira da awodo awa ingodena wasiri awa inde naso nano namedi awa embo itadera. 17 Embo ami ami busu da rora awa embo ise namedi jarira awa gae edo,uso jo awa gajedo namedi jo ae adira awa,mamo utuda ainda uso dubobari awa rawodo uso yei da atadira. 18 Naso dubobari kinapeina ingoda ge awa doadi ae edo awodo mo ro sira awa gadiae,ate wasiri de edo tumo da aride awa gadera. 19 Eiedo mi ingana gosera awa tumoda arida edo ingode naso jo awa uso yei da itadera. 20 Naso embo mei ingodena jo doro wosadi aera gido,ingodena tumoda ari mamo utuda yei da atadira. 21 Naso dubobari kinapeina ingode naso jo jigoro vitadira awa ingaena mamo utuda ainda dombuda awa gorobara. 22 Ingodena uso yei da atega itadera ane itari badera,inda be awa ingodena awa uso awodari awa ambo ambo era.Wasiri ro umo dipapa ira awa oro umo dubo ewamei adira. 23 Ene mamo da awodari ge awa sedo ingodena awa uso mei Iesu Keriso tumode baing ise dubo minabara adera,da awodo awa uso awodari awa kera adera. 24 Embo amimi Iesu da awo dari kera ira gido embo amone iji berari Iesu gada atadira,edo Iesu daga atadira.Edo ingodena gosera Iesu iji berari ingode,nagode daedo atadira.Ainda be awa asisi kotopu ingode naso yei da atira.