Tano 2

1 Awasedo giti be da,na ingo da yei ge usiri ena ane aire. 2 God manunu gedo embo berari busuda awa embo edo diti jijigari edo embo nembo gambo awa embo God da yei atebedo siriroro atari ewa mei begada edo wasri binono da God uso ewa gaewa amimi giti jigarase. 3 Edo wasri eiedo ane ewamei edo God da ditida ane awara. 4 Uso ujo nembo diba embo berai da yei ane sore gari puma uso ge be da susu awa go rase. 5 Ainda be awa umo God dako ainda goroto da God edo embo awa embo Keriso awa teta riri awo do atira. 6 Imo usuka embo berari embo yavua awo do awa wasirimi ujugurisisa adira iji ainde. 7 Ge be emi etiri na nasuka binga itari embo edo Apostal audo isena. 8 Awa embo naso ujo embo yei arapuda awa kotopu kakana de sapo ise ingo jigoro erari ti ni gambari adiae God manunu gadera. 9 Umo embo amimi usasa da ataei sise dodo uso namedi ujo ae ora ane umega da atiri bud boroko etira. 10 Embo amimi uso namedi dubo burira awa usasa da atira,edo ainda rora nei nomi beigari umo jaradi ae ra. 11 Awara te,embo amimi uso namedi ujo ae ira awa umegada atira,edo umega da yise puse ira.Umo yei noda mambutira awa gosise minabae ira,ainda be awa umega mi uso diti guba isira. 12 Naso kinapeina,ge eiwa jiwena ainda be awa uso jawo da ingodena naso jimbo bebegae awa koembedo doadira. 13 Mama mane,ge eiawa jiwena ainda be awa embo ave tuturo da ri ane ingo ne gosewa awa ra.Na ge eiawa jivena ingo mei seka da yei da ainda be awa inemi biae awa serigadesa. 14 Kinapeina memea, ge eiawa ingo da yei da jiwena ainda be awa ingo Mama utuda awa gosewa.Mama mane ge eiawa ingo da yei da jiwena ainda be awa umo ave tuturo ri awa ingo gosewa.Memei sekaka,ge eiawa ingo da yei da jiwena ainda be awa Mama utuda ainda uso ge ingo da yei da atira ami goroba ari ititi rari awa biae awa serigadewa. 15 Busu eia dubobadi ae edo ainda rora nenei awa dubobadi ae.Embo ave busu duboburira awa Mama da duboburira awa uso joda ataera. 16 Rora ro busu ainda atira ,tamo pisida dipapa, ditimi ro gosise dipapa esa edo wasiri bebegae esa ane Mamo utuda ainda yei da evamei ae rate ane busu da wasiri ra. 17 Busu einda dipapa awa atae adira ate embo ave mamo utu da ainda dipapa awa adira ami natopo atadira. 18 Kinapeina memea,boroko awa iji sagove ra.Embo Mamo da mei inge awa buvutira,edo boroko jiwae,umo ingege awa buvutira.Ami sira awa ingodena gosera,awa eiawa iji sangovera. 19 Ungo ingode naso yei da edo buvuse ra ate ungo awa ingode nasoae ra.Ungo ingode topo ae tira gido awa ungo awa ingode da edo ataetera. 20 Awarate imo ewamei ari embo kotopu ainda yei da betesa gido awa imo gebe getesa. 21 Na ingo gae awodo sise eiawa jiwaera,ate ingo gosewa awara ge busari awa gebe da ataera. 22 Embo awe awa ge busiri edo embo da amemi Mamo da Mei awa gebe ae iri? Embo ane mamo da mei ae ra,ainda be awa ,umo Mamo de Mei de awa gebe ae ira. 23 Embo awe Mei gebe ae ira awa umo Mamo ga atae ra.Amemi mamo da mei awa ujugetera awa mano uso yei da atira. 24 Imo ro tuturo da ingesa awa doio imo de ate re.Imo ro tuturo da ingesa awa daga atira gido awa imo mamo de mei de atesa. 25 Umo ingo naso ge awa eiawa ititsira,wasiri natopo atari. 26 Na ingo doano embo nei mi budo demoda yeorose gido eiawa jiwena. 27 Edo imo,ewamei ari uso yei da betasa awa iso yei da atare,wdo doaso embo neimi imo atopatore.Awarate ewamei uso ami ro berari atopaputira ane gebe edo awo ge busae ra.Edo unemi ro atopaputira ainda atio. 28 Edo naso kinapeina,uso buwari da awa goroba edo me adiae,uso joda deriwo. 29 Imo umo awa ewamei awodo gadesa gido,embo awe evamei era ane uso yei da edo siroro era.