Tano 1

1 Asisi berari awa tumonda eove. Asisi awa ujugedo be ungomo Mama Siroro (God) da yei da edo buwuteri ta awa gadera. Ainda be awa gebusari embo juwai be awa busu einda atera. 2 Eiedo ise ainda awa imo Mama Siroro( God) da asisi awa gadesa .Asisi ra mi Iesu Keriso awa tamo pisida buwusira awodo sera ane Mama Siroro(God) da Asisira. Edo asisi ave umo Iesu Keriso gae sira ane Mama Siroro(God) da asisira aera.Asisi eiawa ane embo Iesu ae ra te,Umo inge ainda Asisi ra.Ane buwadira setero ingisera awa boroko busuda buwadira. 3 Ro gosisera edo ingisera awa daedo iso yei da arapa sera. Awa embo imo awa daedo nago de jasiga borega adesa.Nango da jasiga borega ane Mamo de edo uso mei Iesu Keriso ainda yei da edo era. 4 Daedo nango ge eiawa ingo da yei da jiwera inda be awa nango da ro berari awa oro atae adira gido jiwera. 5 Ge ene nango iso yei da ingido awa ungo da yei da sera. Mama Siroro(God) awa usasara.Edo uso yei da umenga awa tambadiae ra. 6 Ingode na umonde atari sise dodo umenga da wasiri awa adera ane ingode na awa ge busera,edo ge be awa ambo ambo ae ra. 7 Ate ingodena usasa da umo atira awodo atade ra gido,awa ingodena berari daedo atera. Mamo da mei Iesu da ororo mi ingodenaso jimbo berari awa segedo ira. 8 Ingodena jimbo ae sadera,ane ingodena suka ganu burera.Ge be awa ingode naso joda atae ra. 9 Awarate ingodena ,ingodenaso jimbo arapa sadera ane umo ne ge bemi be kotembedo dodo ira. 10 Ingode,ingodena jimbo ae awodo sadera,ane ingode nanemi ano umo awa ge busari embo inge adira.Edo uso ge awa ingode naso yei da atadira.