Karoa 3

1 Harihari Tiberias Kaisara ena lohia laganina ihagwauta-imana ai - Pontios Pilato be Iudea edia gavamani tauna badana, bona Heroda be Galielia lohiana, bona tadina Filipo be Iturea bona Trakoniti lohiadia bona Lisania be Abilene lohiana. 2 Anas bona Kaiafa hahelaga taudia badadia negadiai. Dirava ena hereva ema Sakaraia natuna Ioane tano gagaenai enai. 3 Bena ia na ela Ioridaena tanona idoinai lalodia, helalokerehai bapatisona e harorolaiva badina karadika igwautaona dainai. 4 Vada e torea peroveta tauna Isaia ena hereva bukana lalonai hegeregerena, "Gado ta tano gagaenai e boi lolomu, e tomu, 'Lohiabada ena dala ba lailaia (hegaegaelaia?), ena raka dalana baine maoromaoro. 5 Koura iboudiai do bae honu, bona ororo iboudiai do bae taora, bona dala gageva-gagevadia do bae maoro, bona dala mai koupadia do bae manada, 6 bona taunimanima iboudiai ese Dirava ena hahemauri do ba itaia." 7 Una dainai Ioane ese htutuma e maiva ia ese baine bapatisodia, e hamaorodia, eto, "Umui na gaigai natuda! Daika ese e hamaoromui vairai do bainema gabuna ba heautania, a? 8 Una dainai, helalokerehai huahuadia ba havara, bona sibomui na basioto, "Aberahamo na ita tamada, badina na hamaoromuimu Dirava ese ini nadi amo Aberahamo natuna na baine havaradia diba. 9 A momokani ira na vada heato au ramudiai. Una dainai au iboudiai huahua namodia basie havara neganai na ba utudia oho bona lahi ai bae tahodia vareai." 10 Bena taunimanima hutuma ese dounu e nanadaiva, atomamu, "Ai be vada dahaka baia kara?" 11 Bena e haere henidia bona e hamaorodia, eto, "Daika tau mai ena ahedoki rua neganai ia na asi ena tauna na ta baine henia, bona mai ena aniani tauna danu unu baine kara toma." 12 Harihari tax gogo taudia danu ema bae bapatisodia, bona idia ese e hamaoroa,eto, "Hahediba tauna e, ai be dahaka baia kara, a? 13 Bena ia ese e hamaorodia, eto, "Moni haida ma basio gogodia, a e hamaoromui moni dia mo ba gogodia." 14 Harihari tuari taudia haida ese danu e nanadaia, etomu, "Bona ai be dahaka baia kara, a? Ia ese e hamaorodia, eto, "Dagadage ai haida edia amo moni basio abidia bona haida basio hahebadelaidia koikoi, bona ba moale mai davamui dainai." 15 Harihari taunimanima na e nari badava bona iboudiai lalodia e daradarava Ioane dainai, ia be Keriso eiava. 16 Ioane e haere, iboudiai e hamaorodia, etomu, "Lau ese na momokani ranu amo na bapatisomuimu, a ta ena siahu ese lau egu e hereaiamu na e maimu, lau na dia hegeregere ia tamakana varona baina ruhaia. Ia ese Lauma Helaga bona lahi amo baine bapatisomu. 17 Ena gaukara fokana na imanai ena uit ikwadina gabunai baine fokadia goevagoeva bona uit na ihaboudia rumana ai baine atodia. A lai ese e odadia oho momorudia na se bodomu lahina amo baine gabudia. 18 Una dainai, gau idauidau danu lalodia amo, Ioane ese sivarai namo e haroro laiava taunimanima ediai. 19 A lohia Heroda, Ioane ese e sisiba henia Herodias, tadikakana adavana dainai, bona ena kara dikadia danu daidiai, 20 bona ina danu ma latadiai eatokau: ia ese Ioane na dibura rumana lalonai e koua-ahu. 21 Taunimanima iboudiai e bapatisodia neganai, Iesu danu e bapatisoa, bona e gurigurivai, guba vada e parara. 22 bona Lauma Helaga tauaninai latanai e diho pune na heto, bona gado ta guba amo e diho, e tomava, "Oi na lau Natugu, na lalokau henimumu. Lau na oi daimu ai na moalemu." 23 Harihari Iesu sibona ena vara laganina toi-ahui hegeregerena ai ena gaukara vada e matamaia. Ia na (e gwauraiava hegeregerena) Iosepa natuna, Heli natuna, 24 Matat natuna, Levi natuna, Melki natuna, lanai natuna, Iosepa natuna. 25 Matatia natuna, Amos natuna, Nahum natuna, Esli natuna, Nagai natuna, 26 Maat natuna, Matatia natuna, Semein natuna, Iosek natuna, Ioda natuna, 27 Ionana natuna, Resa natuna, Zerubabiela natuna, Salatiel natuna, Neri natuna, 28 Melki natuna, Adi natuna, Kosam natuna, Elemadam natuna, Ere natuna, 29 Iosua natuna, Eliasa natuna Iorima natuna, Matat natuna, Levi natuna, 30 Simiona natuna, Iuda natuna, Iosepa natuna, Ionam natuna, Eliakam natuna, 31 Melea natuna, Mena natuna, Matata natuna, Natani natuna, Davida natuna, 32 Iesi natuna, Obedi natuna, Boas natuna, Samani natuna, Nasoni natuna, 33 Aminadabu natuna, Adimini natuna, Ani natuna, Heron natuna, Perei natuna, Iudea natuna, 34 Iakobo natuna, Isa'ako natuna, Aberahamo natuna, Tera natuna, Naho natuna, 35 Seruga natuna, Reu natuna, Peleg natuna, Eba natuna, Sela natuna, 36 Kaina natuna, Afaxa natuna, Sema natuna, Noa natuna, Lemeki natuna, 37 Metusela natuna, Enoka natuna, Iareda natuna, Mahalale natuna, Kaina natuna, 38 Enos natuna, Set natuna, Adamu natuna, Dirava natuna.