1 Agaho mamam he'avale vega duman maho'o vegulin man lemhun. 2 'Emga ema bububesom bumam vaje'ala hun em moni oimphune naniyenim, uo'um'uho 'uhohi o'um Godin na'i ila sise 'walmi emahwap bun il bahe baveyul basa ai'in lemhun em ebagulmie hi'in lemhune. 3 Em oibama'al ai'in le bavwepmi alein le e'aho bun ila sise mam ga'ai'inle e'aho'o ba sisilamiai'in le eba numia'in le mamagi yeya bu maho sediain lemhun. 4 Em hem'ia'in le em maiyul hioin le bu besom hi oiim le maho'o hap sa'aivemhuniye oima'ivo Godiho oibamavole. 5 Em bul unama veyul iyaho agia uoal hi'in vwip huni'ivo iyo halula'e ve alimani him hun iyaho buituvule. 6 Eni yehun magi yaho e'amo'a bun vayi yaho e'aho'o'a aido aido'ina lejei'ina yei bul va e'aho'o ala vayi va aye nabala halul ba'an lei'ina'e bun sise giyeibul uti'e hiyul iyei buni va'ule. 7 Eni yehun egiyagiyeya unama sisegiye he gamhun ulal vei'in iye ya bu lo unama nimagi ye nimagi ye hegam huna ehabane. 8 'Em egiya gayeibo umama'e mamagi yeya banima veniavole. Alesi Jenesi'o Jempris'o Mosisi ba mave yal iyai'in ve ayule. Iyehun magi yaho bun vwipi iya sagaplinan nimagiye 'waleavol iya bu boituvale. 9 Eni'ivo bu maya vahune. Iyehun magi yaho unama sisega'e bul veyul iyeya samhi lam biuniam hune. 10 Eni'ivo nal a nayanude nun anopa ijai'ina anim giman em nu ula nunimailo ga na e'aho'o vwehinia vula eoimeavula nal sui'in gilini hiyula'e nayahul iye yu veyi'amano. 11 Nal haphiana'e Enti'o em Aikonomi em Risita abeyun ya anim heiman. Iyi haphiana'e nal abeyun vail yaho Natopi yapa na gul'ulehane. 12 Eni yehun ega Yesu Kerison vaiyen hi alima ula le'an iyaho nima bu ee nu sise'a húmhune. 13 Eni'ivo ega sise sise vem ega at'ini iya hi ee 'atiavol iya lo sisele nun iyehun lo sisele ni balimhune. 14 'Eni'ivo nugu'a a nayahum henan iyi ya veu'um hi'ane iyeya nimagi yehun egiyala huna'i hegaman iya'a henan. 15 Ema ina'amamihi le Godin ila'e agul ve'in iyaho ee nayehun iyapa vwepa mama vaynem a Yesu Kerison vaiyen nimave ni'ayahi'ina abenan. 16 Godin ila gaho Godin ilu uhoi maman iyehun nima'ua ee nayehe em ee ni'ayehi ila gil'in 'ulalipa iyapa ni'ayuhi 'egumi unamali iyen lan yúhe unama ali iyaho nayúhune. 'Em Godin eheiya amaili'ala ehi'o gau'ala mamaa ga'e Godila ula venun iyaho alimani vemhun.