Juara'dua 2

1 Eni yehun nun halihe a mavwihúi na'e Yesu Kerison vayi alamuni yehun vayi gilini bali'ane. 2 'Em yalapa'e a he'em na elili emaho'o bun una'i 'walea von niya al ega'e 'ujap ba'an iye 'waleam bul e'aho'a iye'o nayip avale. 3 Nal ve gil'in abe sise'o hiyun iyai'in a'o Yesu Kerison soldia mama giye le hiyun iyai'i hi'amane. 4 Egiya lapa hu soldia lenun iyaho hu gau'ala ga'e mamap bu veyul iya hu bavenu 'ivo hu egi yalapa iji biyahan iye ma venun. 5 'Em egi yalapa dan vayul 'alai'in iyaho hu mayi dan'ala asidihe eha bembem huna bane. 6 Ega'e julum abei'in iyaho hu ega'e malam'o hun jusi'i'iluma mala'o enga huni yene. 7 'Em yalama'e na 'walea vol iyaho mama engmi dihahi gia'aman, emga Natopi yapa nigu'a bonge vemga hegam hune. 8 Nun ila maiu'in iyapa 'waleamun iyaho vwip'amane, Yesu Keriso ga'e Davidin 'abui iya gua ulinan. 9 Iyehun na sise bun'a sise'o dibulai hiyu. Eni'ivo Godin ile yaho dibula bahino. 10 Iyehun mai nugu'a aido aido'in na nun una'i leyul iyi bun vaiyi gilini hiyu. Iyehun magiyaho ega'e iji biyehal iyeibun hahi aiyul 'emga bu'o lo Yesu Kerison vayi ni'ayúhi'in iyaho abe benan mayama himhun ije'o abemhun iyehun aiyude. 11 Agaho ila mamaa ga'e 'waleavol iyehun nú hun vayi gua'al iyaho nú hun vayi him hune. 12 Ijehun nú gilini heva'al iyaho nú bul'e ee ayup hune, Em bu hu nule yap'al iyaho hu'o nú nule yephum. 13 Vega'e nú bamaveyul hu maya nimave bihami va'un, iyehun magi yaho hun anopiye ega'oli hema yuphuni ya eha bane. 14 Age ila geya nahami Godi una'i ila gil'u walea vem bu he ila maa ba'an iyaho 'ulavol iya alem hune. Iyehun magi yaho iyapa iye ya veheia vole. 15 On gau'a mamam vemga Godiho oniyehun deman mibali'ane. On gau'alaga mamam ve'ili'ua bayuna 'amane. 'Em Godin ila alimagiye amilini nayep'ane. 16 Em ga mwe'a hun ila maba'ani iya 'ayoliap hun, iyehun magi yaho iyi bul ahelimia va Godila 'ula bavenun iye ve'alo. 17 Em bun ila yeya alesi matan sagahi anu va'un iyayai'in iyei bun vai yaho Haimanesi'o Pasita'o buna'e. 18 Egi yagi yeya unama magi yaho ale'ivo una aido va'a ila iya'iavo guauliyul iya ho nim balinan 'walavo. 'Em ee 'aho bun nimagi yaho veyu niyahi avol. 19 'Eni'ivo Godila yalama'e 'walemun iyaho anei'inmagi yehun iyai'in ata va'ule. 20 Ala la opman vai iyaho tevoga maho'o ho'o alavo. 'Aho'a goldi 'aho'a silivai veyal mam alam huna beine'ivo ije munage veyal iye'o alavule. Iyeya 'aho'a ve mama'ini veiyul em 'amo'a vega mama hi veiyul. 21 Iya ve'enge ebesi hun nugu'a siegiye atop 'ulu'ivo hu alesi tevo ga'e vega mama'ini veiyul iyai'in mam lemhun. Iyi biyehe gala aido lanyepa ga Natopiyehun gau'ala vemhun. 22 Ega mai'u'in bu haphun bu haphun leni yayapa ulalenun iya' yulip 'avale'ivo nimave oi enge 'alavole madumi hiyul bul 'ulahi 'wala vol iyai'in ve'avale. 23 'Eni'ivo vwip ba'anbul mayi vayul'ala iyei bul veyu 'ula'ala vole. 24 Natopiyehun bweheiya ba'ulai'in lem huni'ivo ee mamam aheleami nayehi ebo sise ahia'al iyaho magia'om ayuleni hi'avale. 25 Ega'e nibi yap'alai in iyeya mamam gia'um ni'ayep 'amane. Godila vem bu unalo nimagi yaho hegam hune. 26 Em bu 'avena sisegi yehun diavisi be hi hinan 'unam iyaho nimagi yap hun vwipi ya silimga 'ayolmi lova'e'omhun.