1 Simon Peter, aki embo eto Meni Iesu ta ambotani, ningo ahvo kembe ari horo tapa nango humbera angari avo humbeva, amore kembe ari God maha eto meni Iesu kosari embo amita javo ai humbeva. 2 God eto meni Iesu ta jo ari eto peka avo siniketo vihuo nine heka ari mane ai pajikevo. 3 Donda betapata maha hena eto amita ivo pemi be meri hena eto god isisa avo nangota jokara amore God ta horemba horemba ai, nango jake aja amore tofo hena usasa eto akari be ejekaraja. 4 Tofo hena eto ami nangota akari be eto pemi be eto hariketo aja,avo au nangota mine humbari avo tofota akari ai humbara ue, avo ue sokova enda samuna ami pe vihri avo toto ikikara ue 5 Emita ito,nou akari avo akakari ta hamo ai nou kembe ari ai tembejo,eto akakari avo siro keri ai tembejo, 6 siro keri hena ai re nuhu irerari avo tembejo, nuhu irerari ai jamu jamu avo tembejo, jamu jamu hena ai re god isisa avo tembejo, 7 god isisa hena ai re nameni otofu ari avo tembejo,eto nameni otofu ari aire tungabari avo tembejo. 8 Eto donda nou jo ai mija avo iruro kito, nimo avo i~ be ambu anga eto mane meme humbatoa mine Iesu ta horemba horemba nou ai mija. 9 Rate avo donda ai auveto mehei amore thiri aivarira, amita be re tofota samuna maha be amore ikiaja avo jeneambu eto horembae uja avo eto. 10 Avo embo, nameni tafo,nimo akari be eto nou jake eto heka ari avo be ie, eto donda evi atioa, nimo mane tetete atoia. 11 Deki angato nimo akari betapata avo ninae hetiuja amore mereri nanofo ta deki avo nangota God eto Bada Iesu ai ra. 12 Mah angato,namo re donda evi mah angato nimo re aunu ingetoa,nimo mah keri avo, eto angato nimo ivo be eto kembe ari nimo eha jekito mehea ai. 13 Namo naha horemberona amore, iji do ite namo pokai metona amikote,nou deki avo aunu tambu au horembatoa. 14 Namo kona iji demi poka evi jikonun vatuja amore use be eaje,amita bere nangota Bada Iesu ami ea ofaea kena avo eto. 15 Namo ivo be eto donda betapata avo aunu vuvuto uku kito avo namo re pambatona eto avo aunu nimo donda evi mah angato horemba horemba ue mehetoa. 16 Nango embo keriembo ami gurisa ami ove ari avo ambo ahra angato nimo re nangota Bada Iesu ta ivo eto vuvureri avo ane kiae, rate nango re nangota thiri ami tofota ujukari avo kiah ra. 17 Mine tofo ami otofu eto usasa avo mamo ta eto ufaja tofota ke hindu ujukari avo usasa ka tapai,enga ija, "Emore nau tungahumbari meni ra,amika avo namo hanana be ona." 18 Nango nagoha ke hindu unga eto vuveaja amore amika tiri tumo ai mehea amore ingikarara. 19 Nango ke ujukari avo ere ofa be aja, amore akari be eto auha eto jamu be eto mume ai irivu ami usasa heto miroe ifo vugiro hunjara avo nou komo eto viatiuja. 20 Angato nogo, nimo avo horembejo ke ujukari avo embo ta aferekari ai vuvurae ra. 21 Mine ke ujukari avo embo uje ai humbuto vuvurae ra, rate embo re God ta ahihi otofu hena eto foei avo ke re ara kivo.