Sapta 2

1 Sokova embopo avo embo meni ta vuviara, eto sokova arepoekari embo avo bara ninae vuvuretuja. Enena ami ujukari be eto sisae be meme avo humbuto vuvuretora, eto enena ta embo pemi enenana humbuto vuvuaja avo kiae ke atora. Enenana sau be eto meme pemi avo ningoha humbuto vuvureti ora. 2 Embo meni pemi be avo enenana ta humora avo ambu ambu atora, eto deki anga ue avo kembe avo be mane atiuja. 3 Enena ta toto inderi ami nou siro avo ke sasamuna ami aru puratuja.Rate God ami enena ta meme re mah jemane be sirikari enena simba ue angato mija. 4 Mine God ami anera avo samuna ara amore sirikae ra. Avo eto enena avo God ami da Tartarus ai esi surumane be ami pumduto mume pemi be ai jokae God ta sirika sirika simba ora. 5 Eto God enda maha avo jo humba ra -- rate, Noah pere, avo tofota undimeni seven amika avo orekaraja iji amikota umo hanja pemi be ehei vuvuto embo sasamuna ue mehera avo ufaja. 6 Eto God ami da Sodom eto Gomorrah avo bara i~ ami udukea avisa aja eto meme pemi be avo sirikaraja amore hajire angato embo meni God kembe ahe mera amita re angato nogo ejekatuja. 7 Rate Lot embo otofu be, avo vasiri sasamuna ta ari ira ami tofo ta siro avo purati ara. 8 Iji eto mume embo otofu be amita jo,avo humbati ue ito keri enite kanite avo ore avo ingikaraja eto kiaja. 9 God amore koja deka eto god ta embo meni meme kame ufora avo orekatuja eto deka eto embo god kembe ae ora avo sirikari iji vuvrou avo siriketo meme heitiuja amore kouja. 10 Emore ke be avo embo avo ando visi amita ujeje uja eto embo siro ta ke inge uja amita ra. Namo namo ea totofota uje avo ora, eto Iesu ta usasa avo joru ai ora amita ke ra. 11 Anera amo ivo pemi te ra, rate enenana ami Iesu siniketo mane sirika sirika avo Iesu henae ai re humbuto vuvuora. 12 Rate embo meni evi, o¬ vaine o¬itete, evi aja amore sarara eto meme kame fuja amita aja.Ningo ke avunu avo era amore kiae ra. Tari kajeri iji vuvurou, enenana amore betapata ambureto ra. 13 Enenana ta samuna do era amita mine avo humbato ra. Enenana ami horemburo ra avo vije aija iji te avo akari re ke horemboro ra. Amore sisae eto kakesate avo eora. Enenana ta vasiri sasamuna avo afurukati avo nimo ka pondo kando re ora. 14 Enenana amore vivija tiri ra; eto enita samuna ta pe mane ehora. Te enenana ami jo eni avo angekere samuna ai veora, eto enenana jo amore sasamuna atora ai arepeokari amore ufara. Enenana amore ipoka ta undi meni ra kivo. 15 Enenana ami akari ta deki avo toto avo samuna ta deki Balaam, Beor ta meni amita deki sirikaraja ai pere ora, sasamuna avo tunga ufua mine heoru humbati ai pere ora. 16 Rate tofo nuha overeketo tofota samuna avo harikaraja----o¬ donkey ke ambu ami hariketo embo ta ke onge avo ehea embo siro amita siro mouju avo ukiaja. 17 Embo meni amore umo koubu mehea meore pisara ami vuvuto fuikea ugege euja angari ra. Mume tikito vage ari amore enenana ta kokombaraja meja. 18 Eto enenana ami re ke sasamuna avo era. Enenana ami embo meni avo ando visi ai egege eora. Avo ue avo embo meni sasamuna ujeae eora avo egege eora. 19 Enenana ami bovu kavu avo mehea ke eora, rate enenana amore samuna ta pure embo meni ra. Mine embo amore embo siro pemi amita pure embo ra. 21 22 20