¹ Erei ne tutuno ra, namo anese evavo niniguseva, diti namane da aimi gosusera, namane da ghabu mi jijiusera ane jebugari da geka ra. ² Ainembo jebugari ava ijugetero gosusera, Namane mi natofo da irari da kamena ava resera, ainmbo Mama mi ijugetiri namonde na gosusera daba amingogo ava etiri namane gosusera. ³ Namane mi ninigusera, eto gosusera ava namane mi karige resira nenda, ainembo dabade se givo. Ainembo namonbo daba de ari ama ane Mama de, Mandi de, Iesu keriso. ⁴ Arai nembo, namane ni ove erei avo nemo kena gefena namane da ivuga ava daibairira. ⁵ Erei binga erei ava namane mi numokena ningera arava ava kamena rerira, God nu arava usasa ra, eta nu kena tumba kubi tefora. ⁶ Eta namane ambo-ambo use dodo tumbo kubi da ujo da fetedorera, Namane gavera sise ivata beka ava aira. ⁷ Kotu namondenu usasa da irira amingo ava usasa da fefeta ave, ainembo namane geka eveva mino-mino sairera, Amingo are ge Iesu da onono mi aekogo berarisegari ⁸ Te namane sedorera aekogo tafora, namanenasuka sise dorera geka beka namane kena iraira. ⁹ Namane nasuka se isago airera, namane daivata aekogo, Numone gekabeka use namaneda aekogo kote doyairira. ¹⁰ Eta namane mi sairera namane aekogo tafora, amigo ave nu govera genembo saira, nunda ava jo namane kena iraira.