¹ Nanda sasingu,na ove ere gefena namo kena, ava aekogo ari rae. Eta avese aekogo aririra, ava nanmode Mama God, Iesu keriso nase emboro ijugairira. ² Iesu nu ava namode da aekogo da sonemberira, eta namonde berarida iraerate, kotu genembo berarida enda emia arienda sonembari. ³ Eta namonde God da agho dari amo-ambo airerage ane ni God gari beka ra. ⁴ Avese nu gari sedorira, na God gari ra te, na jo nunda agho dari kaife aedorena, arate nu gavera sedrira ,geka beka numo kena tefo ra. ⁵ Eta ava nase nunda geka kaifa jighidorira , eta numo kena ge komabari ava beka usira.Aarinembo namonde na nunda joka da ra. ⁶ Ni avese God gha irari sedoresa arava, God nunda ivata amingo nembo eiyo. ⁷ Komabari ,na agho dari da ove seka ava jo gembarena nemo kena, ata agho dari matu tutuno da roju niniguseva . eta agho dari berari da geka ave niniguseva ara. ⁸ Ni avese usasa joka da irari sise, ninda mambu sisise aekogo edorira, nu oroko ava tumba kubi da irira . ⁹ Ave nase nu usasa da irise nunda mambu ujae rira ava nu tumba kubi da irira. ¹⁰ Ave nase nunda mambu koma budorira, ava ni usasa iresa. Eta ivata aekogo da vasa ama tefora. ¹¹ Ni ave nase nunda mambu uujae resa ane tumba kubi da iresa. Nu gae ra nu roda rira ane, anembo nunda diti tumba kubi mi gaje irira. ¹² Na naimo kena ove ere gefena, ariye nanda sasigu nenda aekogo ava Iesu da kori da kote dotena. ¹³ Na nimo kena ove ere gefena, Mama mane . Eta tutuno da ave nase irisira aveni ere gosesa. Gigimase na nemo kena ove ere gefena, ainda beka ne asisi aekogo berari ava darigeteva. ¹⁴ Na nemo kena ove gefena, sasigu mane ne nenda Mama gari. Mama mane na nemo kena ove gefena, Na nemo kena ove gefena gigimasa, ainda beka God da nimo kena ane ninda ano ra.Eta ni asisi aekogo ava darigetesa. ¹⁵ Enda da einini koma beyose, eta avese enda koma bairira ane mama da koma bari numo kena tefora. ¹⁶ Einini berari enda da irira ane ,tamo fisida ujo einini ava diti mi gosuse muka mindidorera ava God da ujo ra. ¹⁷ Enda eto ainda ujo ava manjairira, eta aveseujo e ambo-ambo edorera ava jebugari natofo tambaerera. ¹⁸ Sasingu mane fefera enda buvo daimbari nembo rira. Eta niniguseva amingo arava, gegembo eini Iesu da vasai araim buvairira. eta namonde na gaireva enda ojira daimbari utuva etira. ¹⁹ Nu namone do vite isira, kotu jo namonede iraera, eta nu namde irae te ra ge ava nu namode irera ava satera. Araimi ijuge rira, nu ava namonde irae ra. ²⁰ Iesu keriso mi Asisi Kakara futi rurusera, eta ainda ane ere goseva. ²¹ Naninda ove jo gembai ra, ainda beka ni eini roju gae ra. Eta ni garirate ni garirate gaera sedorera. ²² Ave nase Iesu keriso da korida gavera sedoriri, ane Iesu da vasai ra. Amingo use Mama de mandi de ava nu gae sedorira. ²³ Genembo avsese Iesu inghiga rera ane God de daba inghiga rera. ²⁴ Eta roju tutuno da ninigusesa ava doyo ninda joka da irari. Tutunoda roju niningusesa ava doyo ninda joka da irari, eta Mama de mandi de ainda goroto da irairasa. ²⁵ Eta Iesu keriso mi sisira jebugari natofo barida. ²⁶ Na ove nemokena usena, genembo nemo sisai rera. ²⁷ Ane nimo nembo eveva mutusira, ainembo buge ningha irari, eta ni ujo resa genembo eini mi jugari, ane Asisi kakara ane geka beka ra, jo gavera irae ra. ²⁸ Nanda sasingu mane God de daba irivo, eta Iesu kaverege buvairira ama ne meka geovose ge rena. ²⁹ Ne garira enini eveva gaveva berari Mama God etiri sirorusira. Araimembo ge, ni oroko ge ghovo eiyo.