Tutuno 3

1 Tago mbe ege iri da doariva mo iri akuago bubaitue. 2 Ava enembo nendofa neno ututurota tumode aitue gembiromi ata sirorai guri nu tumode aitue,mambu da nombo doata woworurota undofab unda nombo righita jara aitue isuremi,enembo nundu bambi aitue kakara enikoeniko du isure akokogo aitue. Mendi ariri jo anya baba da gha ningambi aitue,enembo kera ambi aitue,jo kakara jebugariva irambi aitue. 3 Neno mbari keisa,jo ririami mbouvu righita dambu ambaitue,saghadi isure kimube ari mbari taubana,ari akokogo ari. 4 Saghadi begata nundubari keisa,riria enikoeniko tumode urota baba Godi neno gamo aitue. 5 Nemo Godi da garigo iraita reisue tago nemo avanu kivu aita reisue unda ano.Avadu ava enembo da wareta kavere. 6 Ava gorotova mo enembo furia kambo rova woworuria mo ava sasae evetu nenda akokogo de rova deiva deiva urota nenda sasae ari mbri mi ava nundubari mbuta serigetue. 7 Iri digari taragha rouve tago jiro begata mbe ambire ava gha mbe du. 8 Tago ava aghago jebugari du eta Jenesi de Jembirisi de mo Mousisi da gava jo avore ambire. avadu eta eva enembo ava gava mbe ambi urota enembo nenda nundubari akuago mi ata digari isagha aitue eta nemo furia ava enembo go urie. 9 Tago nemo jo tutomi gifua ambi aitue nenda akuago mi ata digari isagha aitue eta nemo furia ava embobo go urie. 10 Tago imo anda gituturira va furera wore, ari mbari de unda mbe, ningari,mbouvu righota taubana ari, neno mbari, kakarami omari . 11 Omari akuago jebugari, akuago endebari de eva naimbo siroruturia andava eva kambesi nombo Antioka va er Ikoniumi de, Risitara kambesi de. 12 Eta mbe umo avona kakara jebugari yesu keriso de irari uno aduamo umo doruro gaitiro aita reisue. 13 Tago enembo akokogo de ava iruru itari enembode akuago va reta mbe akuago aitue, koiya aita reisue er koiya mi mbaita reisue. 14 Imo avoda va gita gata mbera mo inda ningari kimu bemi enikoeniko urota iri. 15 Mendi ariri gituturie ava kakara ingiso mi ata gita imo yesu keriso da vareta inda ningari mi akuago vareta mbuta serigetue. 16 Ava kakara ingiso digari mo Godi na ututurie enikoeniko taubana ata oragobe aridu, giturari gambe mbe aridu akuago righita taubana aridu. 17 Avadu Godi da begata embo mo er begata tataubana da togho da togho righari.