Tutuno 2

1 Avadu, imo anda mendi kimu, ege Yesu Keriso da neno mbari va. 2 Inda nininguturieta unda riria enikoeniko ava gambe ari enembo da goroto va, ometa govo ege ningari kimube enembo du goituva enembo dumenimane gituraridereta. 3 Jareta govo ege amode, Yesu Keriso da meremere embo taubana go. 4 Meremere embo enimo jo sonembari utambire ava enda deiva irari jebugari va, avadu umo agha eta unda gifua rigari da neno mbaridu. 5 Ava sumbari embo avona umo sumbariva reisufia mo jo enikoeniko taubana mbaitue etago umo kakara ga ningita tuvadua mo. 6 Begata kimube ari embo mbaita rouvia unda vesa mundari seisei. 7 Nundube naimboreta reiriamo, kotofu embo mi utaitue jiro gari enikoeniko digariva. 8 Nundube Yesu Keriso, Deividi da vemi siroruturia embo ambuta erorurie, naimboreta anda ga mbe mi riria mo. 9 Amo oreki akuago da rovare, rafaita reisoe bagia enembogo. Tago Godi da gaga mo jo gajambire. 10 Ava da mbe du, amo isagha urire enikoeniko digari avona umo, katembetua du, eta nemo mbia mbububugoe jebugari Yesu Keriso da iri natofo irari unana. 11 Eva gaga mo ga mbe reire, eta namo umode amburadora mo. 12 Eta namode akuago va reta jireta kimu adora mo, namo umode iraitore iri natofo. Etago namo umo righita fiare adora mo umo mbia namo righita fiare aitue. 13 Eta namo mbe mi irambi adora mo, umo mbe mi nemo de iraitue. Ava dumo umo undofa kivu ambiaitue. 14 Regegita nunuduboe ava enikoeniko, Godi da ragaro va mana embu egegata ragaromi, avanu taubana irambi re tago righita akuago aitue avona reniningua. 15 Inda ano mi eta gita utu imo indofa Godi da buro embogo, eva buro embo avona meka ambi, taubana mi utaitue gambe. 16 Tago serige, saghadi ga mbe irambi gaga mane, eta nenona mbuta rova be yaitue gambe rambiva. 17 Eghago giturari mo beto jojabe dama mundita erouvia gore. Enembo nengaha avona eva enikoeniko gituturia mo Imenayesi de Firitiesi. 18 Avona seriguta gambe vareta,retuamo ambuta erorurie seibemi,avadu avona enembo eni da ningari rigita akuago adu? 19 Eta go,ava kimube tutuno jirevitie Godi da tari de. Kotofu embo umo garire avomo undaro eta enembo digari avanu kotofu embo da ragaro radua mo, eta gita serigoe akuago rovareta. 20 Oreki ava kambo jojabe wa, avo jo gembiro kibubu nembo nambire etago ika de enda de er enimane kera ari du er enimane kera ambiaridu. 21 Avadu umo avona undofa righita taubana aduamo, eva enikoeniko vareta, umo anu kotofu kibubure mbuta iyofa iyofa ituturie, enikoeniko, taubana Yesu Keriso dava eta sia urie begata taubana du. 22 Oru sumbu ariri yarata da viro kombo da rovareta eta enikoeniko taubana mbu, ningari de, neno mbari de, umo avona kori radua kotofu dava neno taubana mi. 23 Tago enjiga ege akuago er reta ningari akuago, nundube nemo gami berate erouvie. 24 Etago kotofu embo Yesu da begata embo mo, mana mendo ga rauvota, etago taubana isagha ege enembo digari du, er jiro gari gitu omoe. 25 Ravi keisa giturari begata rouve umo avona avore ambi rouvia, avadu Godi na utaitue nendu akuago vareta kaverari jebugari. 26 Nemo furu uvu akuago mundabi embogo eta oru bambaita nandita fatita vita kambesi va.