Sabta 6

1 Da louale kele la huhuige lailole aveve toela ke ai tigei isi loui koseai DILAVAule lailolai uvuai lailoi toela ke totoai tigei. 2 Be au ba katealivelu bele lailoea aveve toelale vovoale ke late isi aveve toela keta diba solilu ialelu lai oleo katela ai toela ko ai tiva. 3 Lale diba solilu lai Babatisoai IESU KELISOu voelee abo vai abavuale kelate IESU au mamau siale voeleai kobelale kelate, lai lole vuvunevele u kolikoli mauli agisi. 4 Lai Babatisoale keu IESU KELISOu voelege abo vai abavuale kelate IESU au mamau siaule voeleai kobelale kelate lai lole vuvunevele ukolikoli mauli agisi. 5 Da louale keu koseaslu lailole IESU voeleale kelate avoluvita vovoi to au kobelale kelate lai kobekavai ukolikolilu agisi. 6 Lai dibage IESU lailoi aveve toela agisi idiu dole voeleige aveve toela siauve keu ue solilu. Kosealelu IESU aveve toela ke nenilau agisi isuvele voeleai kobelage aveve toelau vuvuneu vesulu katealelu lai ba aveve toela isivi alivelu bele. 7 Ataeau vovoge aveve toela siauveu ba lailo agigelivelu bele. 8 IESU voeleage aveve toela lai avale ke siau vesulu lai ke huhuai kele luleleige lailoke IESU uveve late ai avoluvita igalitoai ui. 9 Lai dibaga DILAVAu IESU isage kobelale keu ba voelealivelu bele voele siau avoele ue solilu. 10 IESU aveve toela bahata kel tava igaliai voeleai ke kavai letulilu ige au kobelai aike DILAVAti igali toai uva. 11 Kelate lailole huhuai koseai iESU KELISOu voelelo agigelivelu bele isege lailoeale DILAVA luvita igali toai ui. 12 Aveve toelau lai vavalu lige olave ke alive alau ke kavalivelu lolu. 13 La memila vavau aveve toela moeaga aeviva isito momai aike lai vavale aveve toela kuva alavalive. Isito DILAVAu ola, lai vavale aevigeve DILAVAu voelele la agigealelu lai vava bahata vavuve kateige lai aveveule nivele nenive olisi ui. 14 Ige aveveu toelau ba la agigelivelu bele kosealelu la Mouseseu basu ke vuvunele ue solisito. DILAVAu lalai uvuai la hoeaseavei lai toela ke totoige la siauvele ulu. 15 Lai Mouseseu basuale ke siavele ue solisito DILAVAu lailolai uvuai lailo hoeaseavale kele au la huhuige lailole tai kalau toela ai belai ba ke alivelu bele. 16 La dibage ata voleu au isivi ata vole vavui kotove evige keu ke kosive olilu kelate lale kalau toelau ola aluaga keule lai kosive olige keu ibilavela voeleaso isito DILAVAu ola ai kotove evilivelu DILAVAu avale dua kelate. 17 Laea memila aveve toela olave avale ata lalaea isito vali voleo abo DILAVAu kotou dua ko loui la haivege la ke evisi lai uvu bahatalela la koto ke valu, katealelu da sisilai DILAVA hoeaseaviva. 18 La kalau toela kateale avale kele DILAVAu la agigelu keu la agigeale keu olale laea mohohoeabe olisi aveve dua ula ai. 19 Isito la goada solila age da ataea aveveabe loui la haiveva memila la vatau kosive mohoho olisi lai ola vavui aveve toela moeaga aeviva. Iale kelate lale lai uvu vai DILAVA vavui aveve dua ke ula ai lai uvu vai aveve dua kele vaeavai sekiai uve. 20 La memila kalau toela kelu ola moeagale kelu loui ave kalau dua kolu ola savalu. 21 La memila kalau toela avale ke ibilavela vole ialelu la aike ke huhuai matiaeveva. 22 Isito aveve toela kele DILAVAu la agige laea mohohove olilu la hauve avale ese olialelu ali uvu bahata vavui olave avale ke ibilavela ukolikolilu. 23 Aveve toela avale ke ibilavela voele isito lailoi kosive IESU KELISO kele DILAVAule au olale ukolikoli lailoamei.