Sabta 1

1 Memila voleo oo mouke voleo DILAVAu vali moeaga au aveve ni volete moeaga loui beloveta haivege ea loui lailoi vavivu lavigelu. 2 Isito aike vali vaove kou loige au vo hanavage voveu dobai loi kotove loui lailo haivelu, DILAVAu louge ata ke igalile hau moeagaea ulu iale DILAVAu ke letatavage aule vaoe vale vile keneni nimabigei. 3 Keu atagaveu DILAVA ataga late ataga kitae keu DILAVAti vole late ula. Iale kotove vuvune kelega vale vile ko nenia ui tiva. Iale keu ataea aveveabe toela uliaito Otogoe tiale kosive kitae vuvunete ke ada vaiteve vaki teveatae ugulumai ulu. 4 DILAVAu au vo ke letatavage Anelu ke nenile ivigelu isi DILAVAu au vo ke ivihage ivive keu Anelu ke nenia ivi leivigelu. 5 Katealelu DILAVAu au volu loui avoe au di vo ige dau ai mama au kateai louito Anelu kelai kateai loue solilu isito au vo kelu loui avoe dale mamave olige eule di vo olisi. 6 Kateai au vo igali ke vatae hanavalivelu tota loui avoe ANELU bahataeale ee igali hoeaseavai. 7 DILAVAu Bukau kotole loui avoe aule au Anelu melitievege abole hebulu late ai veneu boda late ai kotove vai tai ata haivei. 8 Aneluia aveve louito au vou aveve loulu au loui avoe aa keu DILAVA. Ale vali bahata ai telona kele ugulumai ai aveve lilikate kele ai ataeau ai adau vuvune uale ke nimabige vali bahata. 9 A aveve dualu olaito aveve toela homasiavalu. Ai aveve katealeluga da ai sisila ai a letatavage a Kosive olilu isito avoluvita uvale kelai da kate solilu. 10 DILAVAu kateai louito tota avolu koto vole loulu isi loui avoe au kosive o loia iale memila valevilea ue solisege a aiadata vata ai Otogo alu. 11 Isito aa ale keale bahata vesusegeto aa keule ui tigei. Aa aeveale kea ogonau sisi kelatea abole mamiai toelai. 12 Ige ale ke vauge abole ue solisi isege dogaveale ui isito a keu ba koli olilivelu bele a memila ui loivale kelate ale vali bahata ui tigei. 13 DILAVAu kateai au volu louito tota laviai avoe di ada vaiteve kove loi uguluma isege da olea avai toelativale ata ke agigei ai genau valale otovege au kosiabe oliso au kateai au volu louito ANELU belu koto kateai loue solilu. 14 Iale ANELU keale vadeuai kea DILAVAu ola avale munanaea iale DILAVAule ke hanavege keale ukolikoli mauli agiveve ata ke dulugei vali bahata.