Sabta 2

1 Daa ulale laea huhuai da oleve kateai isu kitaele tiva laa lai .Isi ladosiae ataea uale keiai .Lale kele laa mo eagaea dii nii iva savaevelu . 2 Daa hauige ata kea luti bai melitisi isive agigei lsiviabeta igali toage abole huhuile sekisekiai huhui lelevele mana Kusive Dilava hoesavai. 3 Vale leleve ke nenia au huhui huhui le hogogelu. 4 Dau ko louge atabeba sele nonale ba laa seleavalive bele. 5 Da laili vateta bahata uee solilu lsito munana tuvule da laile ulu.Da sisilale laa ivelu,lai haudua alu Kosive melile lsi evievivele. 6 Kateale kele aa Keliso.Iesu Kosive vale kele avoti igali toai teve. 7 Aii amiga vai uluva leletisi aii evievi abo aa haivuale kele isi avoe tanikieaso. 8 neniai iva atabea aa seleavalive bele.Ataea huhuitele vatau sisla alive Keliso vileo. 9 Katealele aboe Dilava aveve kele uii. 10 Au kosive aveve keu aele ulu.Iale kele euu kineve isi vuvuneveleu ati uii. 11 Evileo laea eseuesea vudi vate boiale kelate ataea aalu isito iesu vaeleai lailo lekovegelu. 12 Eu lailo abavugelu au amigata.Ige lailole ee luvita kobekavai.Lailo evievi Dilava vuvune kele. 13 Ke leate lai vovolu lailo aveve toela kele isi lailo aveve toela ke vasuiavalu. 14 Euulailo aveve toea avale eu kisaiavale ke hohoai isi ke vai tai au sataulole kavalu. 15 eu au vuvune ke kosai isive haovole vaeava iu isi sataulole kobelalu. 16 Iale kele ata beule ba aa vai nunale vaeavalive bele.Iveve vakiteo oo.Bula valini kele bata gogave isi iveve kitae avale keveo. 17 Keu munanave ulala ke abo louva isito leveve lae Iesu. 18 Kelu momai ata beu ata huhugei isi seleta kosive hoeseavale keu ba Anelu nana ke ibilavu vai.Ata kateite kea vate ulale ke ivai loueviva. 19 Keu kineve ke vatala lu lelevele .Keu kineve Dilavau ke vavege ea igali toai leleisi. 20 Iesuti Iesuti igali toage vatava valevile kole a lehosivai. 21 Momai vai letatavavive,isi evete evete alive isi vatalalive. 22 Nonau duau kea vesulu lakoava ataea huhui huhui lee huhuage.Fatau ataea kine nona lee. 23 Kuva vole aevei aboi lulele atau ale ke lovegei hoeasavalu aveve kee lekoveai vate isivi aevelu isito ke neniale ue solisi.