Sabta 1

1 Bolou, Keliso Iesu, Dilava isivive avale ata isi Timoti lailoi kakolo. 2 Laea evievi ataea isi kakolovu vaitea Keliso ivile Kolosea vatae Kosive dua keu laili ui. Mama kitae Dilava isi lailoi Kosi kitae Iesu Keliso ke duavele. 3 Lailo Dilava vai avoe sisila lailo Kosive Iesu Keliso ke mamave. Isi loea vali baita lalai Kosive imiliai ige au valivelu au dua lamei. 4 Lo evige lai evievi keu kitaealu Iesu Keliso ivile isi isivi ketae kakolovu volea vatava vole o uale kelai Dilava ata ke otoveale kelai. 5 Laea isivi ke valu kosealelu lai ibilau Otogoe ulu. Ige laa ke evisi sisilai.Lai evievi leleve kele la lavisi melialu , Otogo nona leleve kele. 6 Nona keu lalai loige nona dau keu au bai otovelu isi dogale lavisi tiva. Vatava ko nenile isi kelate ata nona vage ai uvue ulu. Anona ko iviavai eviale ke isi aa kaoale Dilava dua ke vali baita lelevele ulale ui tigeve. 7 Ukolikoli nonau dau kola Ebabalasi aiie evilu loi evievi kakolo aile, keu evievi ata loili haivei oi valela ke Keliso isivivele avale ata volela ke. 8 Ebabalasiu lai evievi ke neni lo haivelu Kosive Munana tuvu kele. 9 Isivi keu kosealu, lo lai nona ke evivalela. lalai Kosive laviave vali baita oo vali vali bahata lalai isege Dilavau au isivi isi au lulele . isi au vuvune ,isi au dua ke neni vai laele vaeavai. 10 Lolalai Mama Dilava laviava lai tiveve keu isi lai uveve kelu isi lai evievi kelu. isi lo Mama laviava lai evievi kelu. Ige lai evievi keu lavisi kitaeai , baiai au bai dua otovei vali baita. 11 Lo lalai Mama laviava lai melilu ige laea meliai lulelevele luleleai taiDilava dua kele. Oo atagavele melia sisilale uge ai uveve kele duai. 2 Lo mama lavialu ige ai sisila ke vai vavu.Eu aa vage au ata aboili Kosive lovi aso , evievi kakoluvuiali. 13 Eu lailo agigei toela uvule, toela keu vau loai uale katealele isi lailo agigei tai au vo I esu Keliso vatavate uvue. 14 Iesu kela lailo butugei agisi au mama vileo lolu. Lai loi toela ke vesui avaive lai loea eu amigalu agilu. 15 Iesu keu au Mama Munana late . Keu luta ulu, ata beu ba Mamave ke ivalive bele . Ke Dilava tuvute 16 Iesu la valevile ko neni alu, iOtogoe uale ke neni . Isi vatae uale ko neni ivivale isi iviesite ke neni ai otovelu ata kitaea ugulelemiavale isi vuvune kitae vuvunete ataea valevile ke neni avola agelu. 17 Iesu ke ulala unile uli talu ulu. Avola valevile ke neni agelu, isi avoele hau ko nenia loi igali toalu. 18 Iesu lailolai dubuu kine olilu, isi luta olilu vovi vovi ata kelai, ia lelu keu vale vile ko nenia kinela. 19 Eu sisilalu au aleke nenia avoluvita uge. 20 Isi voveu voeleale kele ata ko neni amigalu agisi kuialai lolu . Ige mamave Dilavau au vou taole uveve dua vai. 21 Vali voleo laea lata ata tolove olilu Dilava vileo, lai deu tuvukele isi lai ivogile isi lai huhui kele isi lai avevele. 22 Isito ave Iesu au vavata voeleale kele lailo ko neni amigalu. Isi agisi otovege lailoea ata tuvute, Olisi toelalive bele nivele. 23 A ai evievi kele vali baita uii otialelu aga vale tolove be ba ava. hadaeavalivelu bela kosealelu a nona leleve evige vesulu ialelu lavisi melia uveve nonau dua kela vatako adale, abo ata haivei oiva otogo valave kole, dau Bolo lovi kela da keai ata haivei oiva. 24 Da ave sisila kitaealu da lala vatetuvu valelu, Iesu lailolai vatetuvu valu au vatele ige keu Dubula ke ata datalu. 25 Dubu ke da hauve alela, keu Mamakitae Dilavau vai damuge lalai da ele hauai la haivege lovai teve ilivelu, Otogoe teve. 26 Kou mahogovale nonala memila ata kelai. Iisito ave keu loi dai hovolu ata olea nonave evivale ata kelai. 27 Ata ke Dilava isivi haivei au dua keneni agisi haivege abo koto evie soliale ata kenenia Iesu Keliso. vileo ulu. keu kosealu Iesu aele ulu. 28 Kela lo ko loui ata haivei oiva , Isiviale ata ke nenia Iesu luvita ui lulelevele isi aveveve late keta ai ui 29 keluga da ke loui ata haive oiva, vuvunevele ige laea vuvunevele neniai tigeve.