Sabta 2

1 Loi kakoluvuia la luleleige lo laeo loi la haiveale keu baive ulu. La ivage lo lae loiesolisege Bilibai ataeau lo agigei oelaivaga loi vateutuvu kitae alu. Ige lai o ketale ata volea loi koto evie solilu homasiaive loi kuva bavuevelu isito DILAVAu lo agisi melitige lo loi kotove dua ke loui la haivelu. 3 Lo loi sle nona loui la haive solilu isito koto keu koto lelevela keu lo loui la haivelu, lo la haiveale keu lo ola solilu lai uvu isi la seleavei. 4 DILAVAu lo makagela agei au kotou dua ke loui lo haivela age lo vali bahata ke loui aloloai ata haiveva lo vadeu huhuivale ke DILAVAu ivalu ialelu loui lo homasialu ataea lolai sisilalivelu isito loi olate DILAVAu lolai sisilage keu duave. 5 DILAVAu au haukala ko loamei lo ivelu ige lata ivage ataea la sovaeavei lai moni agivale ke late lo a soliva. 6 Lo koto vole louge evive lo ola soliale la loi ivi ko loui letatavalivelu isi lo ola solilu ataea loi ivi letatavalivelu. 7 Loea IESU haukala avale ese lolaea iale lole olaluaga laele hau vole agisi isito lo katealelu homasialu. Keatea abo ese hoeaseavale kelate lo laeo loevei la hoeaseave dua alu. 8 Isi kateai loi uvu bahata vai lamelu lo DILAVAu kotou dua ko loui la lavige vale kele lo vateu tuvu agiveve ke huhue savalu. 9 Loi kakoluvuia la ivage lo memila lae loi hauai haule melitavaevelu. Lo DILAVAu kotou dua ula loui la haive solilu isito lo valile loi ibilatelu hauaito vavile DILAVAu haute ula aeviva. 10 Lo laili uge laea loi aveve ivage DILAVA keta loi aveve ke ivalu. Evievi ataea lai minalega lo neniai ui aveve dua aeviva. 11 La ivage malaha voleu au ese hoeaseavale kelate lo la igaligalile hoeaseave dua aevelu. 12 Lo vali bahata la meliai uveve dua alivelu aleke koto loui la haivei olale la u dua ai DILAVA hoeaseavage aule lalai sisilagei. DILAVAu lalai toai olale la vataave doga keveo avoluvita atagavele uevigei. 13 Lo koto vole louge evive lo vali bahata lalai DILAVA laviai lai sisila aeviva kosealelu lo laeo loevei DILAVAu koto loui la haivege la koto ket evisi loui kosealu koto keu ataea koto olie solilu isito DILAVAu koto lelevela keu. Isi kateai lai uvu vai DILAVAu koto lelevela keu isi kateai lai uvu vai DILAVAu koto lelevela keu. Isi kateai lai uvu vai DILAVA vavulu eu aike lai uvu ke hoeaseavalu. 14 Loi kakoluvu nohovu la koto ke evialeluga lai ata kea vateu tuvu lamelu. Ekalesia volea Diudea vatale uale kea Diu ataea koto evie solivale kele vateu tuvu agiale kelate lata lai ata leleve kele vateu tuvu agievelu. 15 Diu ata keala IESU kavage voelealu isi memila Beloveta moeaga kavege vovolu. Isi aike loili ugologoloava abo kateai ataeali ugologoloage DILAVAu abolai homasialu ea aveve kateale age. 16 Diu ata kea olae soliale lo ukolikoli koto loui Diu ata olie soliale ke haivelivelu. Aveve katealelu aveveabe keu toela kitaeage DILAVAu tuvu kitaeu aike abolai loiva. 17 Loi kakoluvu nohovu lo la kalevei tiale ueveito loi uvu laele uale kele lo la huhugei lalai uvuhamava. Kelu lo olale tota loi la ivei isito loi loiveve keu nenie solilu. 18 Lo olale tota kuiakavai tai ige Bolou dati olale kuiakavai isito seteneu di kuva bavuge da loie solilu. 19 Vadeulu lo olai kuiakavai laeo tai la ivegei kosealeluga laea lai uvu vai IESU vavuge lo sisilalu. Vali vole nile lailoi kosive IESU KELISOu kuialai loige loeale nivele laili lelige keu nivele duave baua. 20 Ige laea loi sisila ata olievelu ige IESUle lai ibila loamei lo kotove louge la evialelu.