Sabta 1

1 Tesolonia ekalesia Bolo, Sailasi isi Timoti lo koto ko kisaiai lalai hanavalu lo huhuige laea lai uvu vai kosive IESU KELISO vavuale kele laea DILAVAu atae katealeluga lo olale lai loi mama isi lailoi kosive IESU KELISO kea la huhugei la hoeaseavege lale kele uu dua ave. 2 Lo vali bahata sisila ulale lalai DILAVA laviava. 3 Kateai laviai lai aveve dua ke huhuaeveva vali bahata. Kelu loui lai evievi vali bahata vai DILAVA vavui aveve dua ulale ui tigeve. Vali bahatale lai ola vai IESU vavui haukalave kele meliai ai tigeve isi vali bahata IESU loiveve ke huhuai sekiai uve eu loiva. 4 Loi kakoluvuia lo dibage DILAVAu au huhui au uvu au ola lameale kelegau la letatavege la atage olilu. 5 Au la agigeale keu kosealu lo loi kotove ionive ke loui la lavigeale keu koto vuvunetela ke vai lai uvule vaeavale kelega la loui kosealu koto keu leleve ige lo laili uge la loi aveve dua ke dibalu. 6 Isi kateai loi aveve late ai kosiveu aveve lateta aeviva la kotou dua eviale kele vateu tuvu kitae agievelu isito munana tuvuteu la hoeaseavege la sisila kitaealu. 7 La kateige Magidonia isi Guliki ekalesi kea lai aveve dua ke evisi kele abota abo evievitele melitavalu. 8 Kosealu la kosiveu nona vai tai Magidonia ta Guliki ata ke haivelu ige lai evievi nona keu vata bahatale tige lo ba nonabe loui haivelive bele. 9 Ata ke biagea la loi koto eviale ke loui lolai loui avoe Tesolonia ata kea abo seleivale silava ke kalevai ukolikoli DILAVA leleve ke hoeaseavaeviva. 10 Isi loui avoe Tesoloniae ata kea DILAVA vou Otogole dobai loiveve kelu inohovele ueviva au loige taevelivelu. IESU keu voeleige mamaveu vuvune, siau vavuge kobelalu iale vali voleo DILAVAu tuvule vata kole loige IESUle loo agige lo ba tuvule talivelu bele.