1 Katea lelu momai avevebe toela aevegelive, isi momai vole seleavevale isi volea maina aevegelive isi volelai kotou toela louevegelive. 2 La luleleige kosiveu la hoeaseavelu la dulugelu ialelu eseu eseave gitokieve keale vali bahata abo aia amulu olagei. 3 Kelate lale DILAVAu kotolu olageve isi kele meliageve ige aule lai evi evi vai melitigei ige lale atave dua olisi uve. 4 IESU vileo love keu ukolikoli vule kitaeu lavisi uale kelatela keu ataea ke homasiavalu isito DILAVAu ke letatavage lailoi kosi kitaela keu lai bahata avoe loi. 5 La kea avo late ukolikoli vule katealea laelega dubu lavilu, isi kosiveu munana tuvuo olilu isi la ata tuvute olilu isi ou tuvu kele hauiva IESU KELISOu ivile DILAVAu vai lelevetialela keu, ige laea evile olievelu. 6 Katealelu DILAVAu bukau kotole loui avoe ivave da vule vole dua letatavai SAIONI tala kele ovole kitae koulivelu vaeavalu dale vule ke vai o hadebilivelu vaevaito tatavele o koui ige ata vadeuia abo uvu vai vule kele vaeavale kea DILAVAule iviabe letatavai, ige abo ba matialivelu bele. 7 Iale la olea lai uvu vai vule kele vaeavale la kea huhuige vule keu vule kitae Isito ata olea abo uvu vai vule kele vaeava soliale kea bukau koto vai lelevetilu. Bukau koto keu loui avoe o kouvale kea vule vole igali kelu homasiai vai kavatulu. Ige DILAVAu vule ke letatavage DILAVAu o hadetivale vule olilu. 8 Ige bukau kotou tota loui avoe ataeale vule ke nalevaluaga abole otolovai bukau koto keu katealu. Ataea koto leleve evie solivaleluga vule ke vai nalevalu. DILAVAu memila aveveabe ke ivalau ai koto ke loulu, vule keu IESUla keu. 9 Isito DILAVAu la agige laea atave tuvute olievelu, isi atave leelve olilu ialelu laeale DILAVA hoeaseavai dubuvele hauve ata olive isi aloloai ata haivei. 10 Laea memila DILAVAu ata olie solilu, isito la ave DILAVAu ata olilu DILAVAu memila lalai uvuai la duluge solilu isito ave lalai uvuai la dulugelu. 11 Di huhui uvu kakoluvuia da tota lalai louge evive vata kou lai vata olie solilu. La kea vata vole atateale kea ialelu momai vata kou aveve toela huhuai aevegelive. Aveve toela keule lai uvue uluaga vali baita aule ai uvu vai toelatigei. 12 Mulimuli ata kea nile aveve dua ula ageve abole lalai kotou toela louito lai aveve dua keale ivai loi lailoili mama DILAVA hoeaseavai. 13 Iale lailoi kosiveu olale lai vatau kosive kea koto evisi lailoi ata kitae sisa keu kotota evive. 14 Isi valaeabele uvale gamani kea kotota evive kosealelu lailoi vata naliai uvale kosive kitae kela ke otovege lailoi vata nalialu olea aveve toela avale ke davana toela ke vaveito, atau dua ke hoeaseavei. 15 Aveve keu DILAVAu olala keu keu olale la aveve dua avale kele lulele solivale ataea lai vavale budia o sele nona louge keu ba leleve olilivelubele. 16 DILAVAu aveve toelale la agigeale kele laea ba loui kosealivelu bele loeale loi ola ula agei isi lai aveve toela ke vai mahogovai uevegelive isito la agigeale ke olave ula aevigeve. 17 Isi ata bahata hoeaseaveve isi evievi ata bahata hoeaseaveve isi evievi ata kenenita hoeaseaveve isi abolai olai dulugeve isi DILAVA vabuiavai hoeaseavave isi lailoi vata naliavale kosive kitae sisa keta hoeaseave. 18 La volea kosi volele hauava ia lelu loui hoeaseavegeve isi kotoeabe evisi lovegei teve kosi kateivale volea ata hoeaseavevale ata isege volea ata agisi toela tivale ataea ialelu loui laeale keneni hoeaseavege isi kotoeabe evisi isiviabe ave. 19 Lale kosive toela kela haukavai vateu tuvu agive isito ke huhu kalevave DILAVAu olake huhuai haualivelu DILAVAule ba la hoeaseavei ige ba udua ave. 20 Isito lale aveve toela ai kele vateu tuvu vage DILAVAu ba la hoeaseavalivelu bele. Isito lale aveve dua ai kele vateu tuvu vage DILAVAule kele la hoeaseavei. 21 La kateale aliveluga DILAVAu la toiavelu kosealelu IESU KELISOu biageu lalai vateu tuvu agiale kele DILAVAu olale lata IESU KELISOU ale kelate lata ave. 22 KELISO keu avevebe toela a solilu isi sele nonabe loue solilu. 23 Ataea avolu kotou toela louge eu abolai kotobe toela ibilave loue solilu isi ataeau vateu tuvu vavuge eu koto koseale loue solilu dale ba la ale ko ibila ai. Keu kateale loue solisito loui avoe DILAVA keu ata lili kate iale aule la vadeu daele ale ke ibilave vateu tuvu lamei la kavei. 24 IESU KELISOu lailolai idu dole voeleige DILAVAu lailoi aveve toela keneni agisi avoele otovegelu. Isege lai loea atau dua olisi lilikata uevelu, isi IESU lovai tievelu kelu lai neniai toelale tieviva. 25 Lailo kea mamoea tebuale kelate aeviva isige IESU mamoea biage kelu loui au mamoe kaogei agisi loi igalile otovei nimabigei lohomegei oiva kelu IESU kalevai tiakel voeleiva, venela keu loiva a vauva IESU vileo loige a nimabisi ui.