1 IESU KELISO abositolo BITA dala kou levalevako kisaiai lalai hanaveva abo DIELUSALEMAE la kavei lovege la vata igaligaliai tievelu. BONITASI, GALATIA, KABADOSIA, EISIA, isi BETANI, laa bahata kelaiga daa levaleva ko hanaviva. 2 DILAVAu au huhuile lake agigei au munana tuvu lamege la atave tuvute olilu iale kele lale IESU KELISOu koto evisi lovai tigeve ige taove keule lai toela ke totoai. Iale da olale DILAVAu la huhugei la hoeaseavege lale kele udua ageve. 3 Da olale lai lailoi kosive IESU KELISO ke mamave ivi hoeseavagei, DILAVA kela lailolai uvu kitae ai uveve dogave lai loamelu. Keu IESU KELISOu voeleage, isage kobelalela keu, kele lai ukolikoli mauli agiliveluga nikovai uva. 4 DILAVA kela au atalai valevile toela soliale ke otovege uva, abolai otogo uvue vale vile au otoveala kea ukolikoli haulau otovelu lailolai, au ba sakavalivelu bele kelu melialivelu laitai agisi. 5 Lailoea lailoi evievile meliai uale kele lailoi mama DILAVA keule au vuvunele lailo nimabigei uale kele aule hau lailoamei. 6 Laa valevile agiveve kelu sisilave kalege aveve toelau laele loige vateutuvu lale agive isito vateu tuvu keu ba ui egealivelu bele. 7 Isito vateutuvu katealele DILAVAu olai lailoi evievi ivai au lailoi evievi keu golo late. Ataeale golou vuleta dale ke vai vauge vuleule nai lavusege goloule ui. Iale kelate DILAVAu isiviale vateu tuvu kele melitavai uge IESU KELISOu loale vali kela DILAVAu la hoeaseavei lai ivi letatavagei. 8 Lai IESU iva solisito lailoi uvu vai avoele vaeavalu isi avolu olalu ige lailoi sisila keu avolu kitae. 9 Kosealelu la huhuige la lai uvu vai IESU vavuale kele DILAVAule la agisi ukolikolu mauli lamei. 10 Memila uale beloveta kea neniai ukolikoli koto keneniai kaoai ivai DILAVAule oleve kateai au ata ukolikoliai uveve mauli vavei. 11 Memila vali voleo DILAVAu munana tuvu beloveta kea uvue dobai ui IESU KELISO dobai loi vateutuvu agiveve isi au atagale loiveve ke haivege ea neniai au loiveve vali ke evisi isege DILAVAule oleve kateai au atate agisi. 12 DILAVAu memila KELISOu aveve loui beloveta ke haivege ea huhualu aveveve keu ba valiabe ni kele lolivelu bele isito ave lailoi valite ni kole loi velevalu. Ige evievi ataea tialea aike kotou dua ke loui la haivege lake evilu ata kea abo vuvunete kelela haive solilu isito DILAVAu munana tuvu otogole hanavage ata kea vuvunele aa haivei loui tai, kotoke loui la haivelu koto keu koto kitae iale anelu keta kotoko kaoai kele luleleai. 13 Iale kelu meliai lai uvu kalikale avave toela beu ele uva isi toela aveveke huhu kalevave isito meliai kobekavai IESU loiveve ke huhuai uve ivagau loivalela la hoeaseavei ialelu meliai uve. 14 Laa kea DILAVAu ese lalaea ialelu DILAVAu vadeu lougeke evisi ave lamemila kotou dua evie soliale kelega la lulele solisi aveve toela ava, iale la beu tota kuialai aveve toela ke aevegelive. 15 La toiaveale kosive keu ata tuvute ialelu lata ata tuvute olisi aveve dua ula ageve. 16 Kosealelu bukau kotole DILAVAu loui avoe dau ata tuvute ialelu lata ata tuvute olive. 17 Lai guliguliavevale kele DILAVAlu loui koseiva loi mama iale la huhuige aule la avaleke bahata kaoai ibilave igaligaliai lamei iale lai uveve kele vali bahata bavuiavai hoeaseavai ugeve. 18 La luleleige DILAVAu lai toela ibilave ale kelu loui memila lai vavivuia ale ke kalevai aveve dua ave DILAVAu lailoi ibila ale keu hau kitaelau kealu. Ke moniu vesuveve keta lailoi ibila a solilu. 19 Isito aveveabe toela kalevai ibilalu uveve dua alu. Iale KELISOu tao keu kitae ige KELISOu aveveve keu duave ula. Abo memila DILAVA hoeaseavalivelu mamoe dua kavai vauale kelate avoele avevebe toelau ue solilu. 20 Memila vole DILAVAu vata asolisito KELISOke letatavalu isi aike koveo lailoi toelalu IESU KELISO hanavage lolu vata koveo. 21 IESU kelega lai dai lai uvu vai DILAVA vavulu, DILAVA kela IESU voeleige isage kobelalu. Keu kobelauge DILAVAu ivive letatavage au kosive kitae olilu, iale kelega lalai uvu vai DILAVA vavui inohove uva. 22 Isi la ave, koto leleve evisi lovaitai lai kakoluvulai olai vole dulugei iale momai aveve kateale kalevaevivale isito melitavai aveve dua ke aevei lai kakoluvu dulugeve au keu nenive lalai. 23 La uveve dogave agievelu iale keu ba laele vesulivelu bele kosealelu la, lai aia mama vileo uveve dogave ke agiesolilu isito DILAVAu koto kolega lake agilu, iale DILAVAu koto keule vali bahata ui tigei. 24 Bukau kotou loui avoe ata bahata kea kulu late ige aveveabe keu kulu sii late kulu keule giliage keale keiohovoi lavui. 25 Isito kosive koto keule vali bahata ui tigei bukau koto keu katealu, iale kotou dua kela ataeau tai aloloai loui la haiveva, misinalia.