Sabta 16

1 Da aike obeleni koto louge evive da Galatia Ekalesi lavigeale kelate ave isi Diudeae uvale ke dulugeve. 2 Buka bahata lai ibila agivale ke vaki vole levakoai vaeavalivelu vole agisi obelenilu vaeavage ulivelu da loi moni nona loui la haivelivelu bele. 3 Isito dale laeo loi la oleve makageale kelai kotou ioni loui levaleva vole kisaia vai vavege abo monita levalevata vai tai Dielusalemae ata ke vavei. 4 Da huhue solilu da tibe aluaga ba aboi olage lohomegei aboili tai. 5 Isito dale luta Magidonia vatae taito ba kuialai loi la ivegei. 6 Dale laeo loluaga vagalale laili ui to ba vaeale oai ovoleo tiliveluage la volea da duluage lai ovoleo taevei. 7 Da olae solilu laeo vadivadiai loi valiu ni moeaga solialele laili ulivelu. Isito kosiveu kuva alavage da vali moeagale laili ui. 8 Da aike oai talivelu bele isito dale Ebesesi oo koveo uvaga Diuia sisila vali Benitikosi keu vesusege da ba oai tai. 9 O koveo kosiveu au hau anaka dalu alage dale koveo ui kosiveu lovi kitae avolu ai dalu tuvui vale moeagaea kove ueviva isito dale koveo ui lovi ke aito ba tai. 10 Isito isoho Timotiu vaoe laeo loige ke hoeaseavai vai oe vaeavave da ketiga Kosiveu lovile hauiva. 11 Labea ke ivai huhuai kosealive kou kosi olie solilu isito ke hoeaseavai duluavaga au tota kuialai sisilata daeo loi. Ige loi evievi ata volea ke ivai avolu sisilalu. 12 Da aike lailoi kakolo vole Abolasi kotote louge evive. Da ola kitaeale Abolosi evievi ata voleali lae loi isito eu homasialu aike lae lolivelu isito valivoleo aule ba lae loi. 13 Lamiga neniaevei lai evievile melia leleisi uve. Momai vabuaevevale isito kobekavai lamiga sesiai lelisi uve. Lai evievi tuvute kele au ai evievi keu tuvualu bela neniava tuvute keala Otogoe tiva. 15 La dibage da Gulikia vatae tai ata haivege Sitevenasi ole uvale kea di koto vaevei memila evievi ata olievelu. Ige vaoe ata volea koto evige lo Sitaveniti ke nalievei haivei hoeaseaveva. 16 Di kakoluvuia da olale la ata kea avale kelate ai ata ke duluge dua ave. Isi Kosiveu hau avale keta dlugeve. 17 Laa keve usege Setebenesiu Votunatasi isi Akaikasi kea lai lovo vai loalea la avale ke loui da haivuge da evisi sisilalu. 18 Kea loi la avale ke loui da haivuale kelate abole kuiakavai tai da vadeu avale ke loui la haivege evisi sisilave. Katealelu ata kateale loui iviabe letatavave. 19 Eisia vatale uvale Ekalesia kea abo sisila nona lai hanavalu ige Akuilau au keate Bulisilati lalai abo sisila nona lalai hanavalu. Ige Ekalesia oeabele ui guliguliavale keta lalai abo sisila nona lalai hanavalu. 20 Ige evievi ataea kovee uvale kea lalai abo sisila nona hanavalu. La vole iveluaga volea sisila ai volea ada katuve. 21 Bolo dala kou di adateta lalai sisila nona ko kisaiai lalai hanaviva. 22 Atau oleu lailoi kosive kelu ola solige DILAVAule ke vai toelatisi. Kosive lo olale solekata loiso. 23 Da olavale lailoi kosive IESU keu vali bahatala huhugei la hoeseavei olale la uduaaei. 24 Di kotou vaola kou. IESU Keliso kele dii uvu bahata laele ulu.