Keeta Susu Tawo.

1 Na Pol amo Iesu Keriso ta ambotani eto Mama Hotohu nangota horekari embo eto Bada Iesu Keriso amo nangota eture ikeuva. 2 Eto Timoti amo mei be ra eto ke be aritai iriua eto jai eto jo ari eto peka amo Mama Hotohu eto Iesu Keriso nangota Bada aminda dei ta. 3 Ate na mo pure erevi uje ona aminda be amo na Mecidonia ai hambatona de mo ara dei javo Episas ai irotoa ate mo ara embo neneu hateikari sokowa mana toao atora. 4 Te mana no tengere ikau aije maneda ihi sokowa ara mana ingotora eto orope ta ihi kokoso ara mana atora te Mama Hotohu ta pure amo ami mana hondate atuya te kee be mi. 5 Eto oroho be amo na kee ta susu be ara hikitona amo tunga humbari jo be ta eto hotembari jai eto kee be ari jai ta. 6 Ate embo pasara mana eto tega ara serikatora ara ari jai jai ara toto kesokowa ta ai hambitera. 7 Ate embo perari amo awotarita ta hateikari embo ara aisa uje eora ate embo mei amo kee be kiaera ate dora do ine humba amo uje eora. 8 Eto ingana kevora avotari amo jai bera embo ami ambo ambo atuya amo. 9 Ingana tavo eto kiarira awotari amo embo jai jai ta pere aera ate amo tawo eto embo sasamuna de jajai te tara.Awotari amo embo ehe imamo teore sari eore temo o embo nei tetekeore sarikimu eora te mo aminda ra. 10 Amo tawo eto embo pamone teotao tembari pamone eore temo o embo pere jijimbu keore temo o embo neida pure ari embo pengene eore temo o ke sokowa ari embo eto kesokowa embo neida ari embo eto isoro embo tohota te kee ari embo. 11 Mama Hotohu ta kee tuka jai ami na amida pure ana ikeuva. 12 Atekari nau Iesu Keriso ungonau tuka amida javo ta ikitona amida be amo amimi na koropa ari ikeuva eto ami na kii uwa amo na embo amida pure ari atera. 13 Kitita amo na Mama Hotohu ta tombuta sarika ari embo ra eto embo ara basiri sasamuya uwe jujune tenimbari embo bera.Ate oroho emo na Mama Hotohu ta peka humbarira amida be amo na kee bee arita basiri ara uje eona. 14 Ate Mama Hotohu inganau amida peka ami jota sirarira eto kee bee arita basiri eto uje arita uje Iesu Kerisota jota. 15 Kee emo jai nei tawo eto emimi embo indami Iesu pusuta puto sari eto embo ta sasamuya horekitaiya ainge hotembatuya,ari sasamuya nau amo embo neida serikari bee. 16 Awarate kee emida tamodai na peka uana, ate embo nei hotembeto toarita basiri amo Iesu Keriso etei kevuena,Iesu Keriso mi kee emo kee iminyada ainge embo au kee bee uwe embo amide heteto iji nandaho irari uiya. 17 Boro mo embo tuka nandaho irari embo eto tutumo irae embo amo embo mi mana jai be eto ki ora, ate amo Mama Hotohu tuka be eto javo perari ta tuka eto no koropa amo oroho eto iji nandaho,amo kee bee. 18 Na kee emo mode toturona Timoti nau mei do embo,kee no madu ari midia amo mo iji ambota amo mo isoro jai be atoa. 19 Kee bee arita hotembari jai arite ta basiri ara be jigiyo.Ate mo kun sinjekatora amo ingota kee bee ari amo samuya atuya. 20 Embo Himenus eto Aleksanda ainge amo nane sowai setani de amida ateikari javo sarika ara ikitana.