1 Ulu Ezra apepele no kuipapatila, kalila no kuitama pa pa ntanshi ya nanda yaku Lesa. Ibungano ilikulu ilya bena Israeli abalalume, abanakashi, na bana kababungana kuli ye, pantu abantu balokulila ukwine kantu. 2 Shekania mwana Yeile uwatuntukile muli Elamu kalabila kuli Esra ati, "Tatwalipo ne cishinka kuli Lesa wesu nakambi twalyupile abanakashi bamu fyalo fimbi. Lelo nangula cibe mfi, Isubilo kuli Israeli ekolili. 3 Kanshi nomba katupange icipangano na Lesa wesu ukutamfya abanakashi na bana babo ukulingana no kukonkobesha kwa Mfumu no kukonkobesha kwa mbo abatutuma pe funde lyaku Lesa, naco lekeni cicitwe ukulingana ne funde. 4 Ima, pakuti nci cintu niwe wakucibomba, nafwe tuli nobe. Kosa nakambi ucite mfi." 5 Efi Ezra aimine no kweba aba bushimapepo, abena Lebi, na bonse abena Israeli kabalaya ukucita nci. Efi bonse bacitile umulapo. 6 Elo Ezra aimine ukufuma pa nanda yaku Lesa no kuya ku miputule ya kwa Yehohanani mwana Eliashibu. Talilepo mufuba uuli onse nangula ukunwapo amenshi ayali yonse, pantu alokuloosha palwa batasuminapo kwa mbo abalokuli muli bu nkole. 7 Efi batumine amashiwi mu Yuda na Yerusalemu kuli bonse abantu ababwelele kuli bu nkole ukweba ati babungane mu Yerusalemu. 8 Onse uuteshilepo mu nshiku shitatu ukulingana no butantiko ukufuma kuli ba kangalila na bakulu akupokwa ifipe fyakwe nakambi ye kutamfiwa ukufuma kubungana ukukulu abafumine muli bunkole. 9 Efi bonse abalalume ba mu Yuda na Benyamini babungene mu Yerusalemu mu nshiku shitatu. Wali mwenshi wa pabula pa bushiku bwe makumi yabili mu mwenshi. Bonse abantu kabekala pa ntanshi ya nanda yaku Lesa, kabalo kututuma pa mulandu wa ngu mulandu napa mulandu wa mfula. 10 Ezra shimapepo kaima no kulabila ati, "Mwe mulicitile umulandu wa kutalama. mwalikala na banakashi amatulatula no kufusha ulubembu lwaku Israeli. 11 Lelo mwe peni amalumbo kuli Yahweh, Lesa wa fikolwe fyenu. Mulokuitalamusha ku bantu bamu calo naku banakashi amatulatula 12 Bonse ababungene kabasuka ne shiwi ilikulu ati, "Tukocita fyenka ifi walabila. 13 Nangula cibe mfi, abantu bo bengi, nakambi ni nshita ya mfula. Takukwetepo amaka ya kwimakana panse, neyi tailipo ncito ya bushiku bumo nangula shibili, pakuti tulitobele ifunde pali ngu mulandu. 14 Kanshi lekeni bemakanineko ibungano lyonse. Lekeni bonse abasuminishe abanakashi bambi-bambi ukwikala mu misumba yesu bakese pa nshita iyo abakulu naba kapingula ba mu misumba mpaka ubukali bwaku Lesa bukafume pali fwe. 15 "Yonatan mwana Asaheli na Yaseia mwana Tikiba kabatalika mfi, na Meshulamu na Shabetai umwine Lebi kababasuminisha. 16 Efi abantu ababwelele ukufuma mu bunkole bacitile. Ezra shimapepo kasalapo abalalume, intungulushi mu fikolwe fyabo na mayanda - bonse ishina ne shina, nabo kabalolesha pa mulandu pa bushiku bwakubalapo mu mwenshi we kumi. 17 Pa bushiku bwa kubalapo mu mwenshi wa kubalapo kabapwisha ukushininkisha pa balalume abalokwikala na banakashi amatulatula. 18 Pali mbo aba inkulo ya bu shimapepo kapali abalokwikala na banakashi amatulatula. Mu ba nkulo yaku Yeshua mwana Yosadaki na bakwabo nkulya bali ni Maseia, Eliesa, Yaribu, na Gedalia. 19 Efi basalilepo ukutamfya abakashi babo. Pakuti balishininwe ukweba ati, kabapela impaanga ukufuma pa matanga pa membu shabo. 20 Muba mu ntuntuko yakwa Imari: Hanani na Sebadia. 21 Muba mu ntuntuko yakwa Harimu: Maaseya, Eliya, Shemaya, Yeyeili, na Ussia. 22 Muba mu ntuntuko yakwa Pashiuri: Elioenai, maaseya, Ishimaili, Nataneli, Yosabad, na Elasa. 23 Mu bena Lebi: Yosabad, Shimei, Kelaya - e Kelita, Petaya, Yuda, na Eliasa. 24 Mu bakwimba: Eliashibu. Muli ba kasunga ba pa mulyango: Shalumu, Telemu, na Uri. 25 Mu bena Israeli abashala - muba mu ntuntuko ya kwa Paroshi: Ramiya, Issiya, Malikya, Miyamini, Eliasa, Milikiya, na Benaya. 26 Muba mu ntuntuko yakwa Elamu: Mattania, Sekaria, Yeyiele, Abudi, Yeremoti, na Eliya. 27 Muba mu ntuntuko yakwa Sattu: Elioenai, Eliashibu, Mattania, Yeremoti, Sabadi, na Asisa. 28 Muba mu ntuntu yakwa Bebai: Yeoanani, Hanania, Sabbai, na Atilai. 29 Muba mu ntuntuko yakwa Bani: Meshullamu, Malluki, Adaya, Yashubu, na Sheali Yeremoti. 30 Muba mu ntuntuko yakwa Pahati-Moabu: Adina, Kelali, Benaya, Maaseya, Mattania, Besaleli, Binnui, na Manasse. 31 Muba mu ntuntuko yakwa Harimu: Eliesa, Ishiya, Malikiya, Shemaya, Shimyoni, 32 Benyamini, Malluki, na Shemaria. 33 Muba mu ntuntuko yakwa Hashumu: Mattenai, Mattatta, Sabadi, Elifeleti, Yeremai, Manasse, na Shimei. 34 Muba mu ntuntuko yakwa Bani: Maadai, Amurani, Uweli, 35 Benaya, Bedeya, Keluhi, 36 Baniya, Meremoti, Eliashibu. 37 Mattaniya, Mattenai, na Yaasu. 38 Muba mu ntuntuko yakwa Binnuli: Shimei, 39 Shelemiya, Natani, Adaya, 40 Makinadebai, Shashai, Sharai, 41 Asereli, Shelemiya, Shemariya, 42 Shallumu, Amariya, na Yosefe. 43 Muba mu ntuntuko yakwa Nebo: Yeyiele, Mattitiya, Sabadi, Sebina, Yaddai, Yoele, na Benaya. 44 Bonse mba ebakwete abanakashi amatulatula no kufyalamo abana muli bambi.