¹ Paulo, Silvanus, na Timoti, ku lukuta lwa ku Bena Tesolonika muli Lesa Tata na Mupashi Yesu Klistu. ² Inkumbu kuli mwe no mutende ukutula kuli Tata Lesa wesu naku Mfumu Yesu Klistu. ³ Tufwile lonse tulokupa ukutasha kuli Lesa, pali mwe, ba wesu, icilingile, pamulandu wa cicetekelo icikokula ukucilamo, ukutemwa uko mukwete pali umo no munankwe kukoya peulu. ⁴ Kanshi fwe fwebene tulaitotaisha pa mulandu waimwe munkuta shaku Lesa pakutekanya kwenu no ku cetekela mukupakaswa kwenu konse, namumacushi ngo mukopitamo. ⁵ Nci ecishininkisho cabololoke bwabupingishi bwaku Lesa, pakwebati mungalingwa ukuba aba cindeme mu Bufumu bwaku Lesa, pamulandu wakucula kwenu. ⁶ Pantu mu cine, cilungeme kuli Lesa ukubweleshe mpumo kuli mbo abamupuma, ⁷ na kumukakula mweba pumwa nafwe, ulo Yesu Imfumu yabonekela ukufuma kuli bangelo bakwe abamaka. ⁸ Umulilo ukobilima, ukucite cilandushi nakuli mbo abateshibilepo Lesa nakuli mbo abatakonkapo kukubila kwa Mfumu yesu Yesu Klistu ⁹ Bakucula nokupakaswa ubonaushi ubucushi ubwakutwalilila ukufuma ku cinso ca Mfumu nokufuma kubukata bwamaka yaiko. ¹⁰ Akucita nci ulo akwisa pali nkalya kasuba pakucindikwa nabantu bakwe abololokele nokutashiwa pali mbo bonse abacetekela. Pantu bukamboni bwesu kuli mwe kamubusumina. ¹¹ Pamulandu wa nci, tulamupepela ukutwalilila, pakwebati Lesa wesu engamupenda abalingile mubwite bwenu nakambi na mu maka akwe angafikilisha ipange lyonse iliweme no mulimo onse uwacicetekelo. ¹² Tulapepa mfi pakwebati ishina lya Mfumu yesu Yesu licindame muli Mwe, na Mwe muli Ye, ukulingana ne nkumbu sha ku Lesa ne Mfumu yesu Yesu Klistu.