Icipandwa 5

1 Nkomukonkobesha abakulu mbo abali muli mwe, nebo, ne mukulu munenu nakambi kamboni wa kucula kwa kwa Kristu, nakambi ndi uukoabanako ubukata mbo ubwakusokoloka. 2 Beni bakacema wa mpaanga kuli Lesa nsho ishalashikwa kuli mwe, ukubomba nga ba kangalila - tekutipo pantu mufwile ukucita, nomba pantu mukofwaya, nge fyo Lesa ako fwaya mubombe - tebunonshipo bwa nsoni nomba mukufwaya. 3 Tekwesha ukuilangisha kubati uli mfumu kubantu mbo uusakamana. nangu cibe, ba icakumwenako ku mpaanga. 4 Nomba ilyo kacema mukulu akusokoloka, mukapokelela icisoti ca bukata icitashilapo. 5 Munshila imo yenka, imwe mwe balumbwana, muicefye ku bakulu. mwe bonse, fwaleni mwebene ukunakila no kubombela umo no munakwe. Pantu Lesa alakana aba filumba kambi Ye apele nkumbu kuba munakila. 6 Ekwebati, inashyeni mwebene mwenka munshila ya kuboko kwa ku Lesa ukuti amusumbule munshila iligile. 7 Poseni ifimukosakamana pali Ye pantu ala musakamana Ye. 8 Beni abacenjele, abakololesha, icilwani cenu satana akopitana nge nkalamo ikofwaya uwa kulya. 9 Iminineni no kumukana. Beni abakosele mu cicetetekelo cenu. Mulushibile ukwebati ba wenu aba muli ncino calo bakoshipikisha ku macushi amo enka. 10 Panuma nga mwacula pakashita akace, Lesa uwa luse lonse, uwa mwita mubukata ubwamuyayaya muli Kristu, a kumulenga ukuba abafikapo, akumukosha, akumupa ifiso, akumupa ukushipa. 11 Kuli Ye kube Ubufumu bwa muyayaya. Kacibe fyenkefyo. 12 Nkomwe Silvanua ngo wacishinka wesu, na lemba kuli mwe panini muli Ye. Nkokonkobesha kuli we nakambi nkolodolola kuli we ifyo nembele mfi fya cikuku kuli Lesa. iminina muli nco. 13 Namayo uuli mu Babylon, uwasalilwe nawe, akuposha. na Marko, umwana wandi, akuposha. 14 Posheni abanenu mufyompana kwa kutemwa. Umutende ube namwe mwe baba muli Kristu.