Icipandwa 2

1 Enco kanshi bikeni ububi bonse pambali, ukulufya konse, bumumbimunda, kalumwa, no kwambana konse. 2 Ngo tucece utufyelwe bwangu, ukufunga umukaka waku Mupashi uufikilepo, pakwebati ukupitila mulinco, ukwebati mukule mwi pusukilo, 3 kati mwe mwalisonda ukuti Imfumu iweme. 4 Isa kuli Ye ngo uli ilibwelya mweo indyo ilyasulilwe ku bantu, nomba lyalisulilwe kuli kubantu ilili licindeme kuli Ye. 5 Nomba muli kubati libwe ilya mweo ndyo ilya kulwa ukuba nande mu mupashi mukwebati mbe bushimapepo ubwashila ngo upa mupashi na malambo ukupokelelwa kuli Lesa ukupitila muli Yesu Klistu. 6 Mumalembo mwaba mfi; "bona, nkobika mu Zioni ibwe ilya pa cifutu, lyasalwa ilicindeme. Ngo onse uwasumina muli Ye, takomfwepo nsoni". 7 Umutengo, ulo, cili kuli mwe basumina. Nomba kuli mbo abatasuminapo. "Ibwe ndyo ilyasulilwe kuli ba kakula, ndi lyaisaba ilikulu ilya pacifutu", 8 nakambi "ibwe ilya ilyakuitutulako nakambi icebwe icilenga mbo ukuwa". Balaitutulako pa mulandu tabomfwilakwe shiwi - cine co basontelwe kukucita. 9 Nomba mwe muli bantu abasalwa, nande bushimapepo babufumu, icalo icishilile, abantu fikwatwa fya ku Lesa, pakwebati mwe kuti mubile imicitile iyelele kuli ngo uwamwitile ukufuma mufinshi no kumuleta ukutubile. 10 Limo mwe tamwalipo bantu, pantu nomba mwe muli bantu ba ku Lesa. Mwe tamwapokelelepo uluse, nomba mwapokelele uluse. 11 Mwebatemwikwa, ne nkomukonkobesha mwe nga umwina fyalo na bunkole mutalukeko ukufuma kufya kufwaya mfyo ku mubili, ifiwa nokupikana no mubili ukufilya no mweo wenu. 12 Imicitile yenu pakwebati benafyalo ifwile yaba ya mucinshi, pakwebati ulo bamupontela nge ncitatubi, nagula ukuba imboni pa ficitwa fyenu ifiweme no kupela ubuteko kuli Lesa pa kasuba ulo akuboneka. 13 Beni aba kunakila ku maka yabuntunse pa mulandu wa Mfumu. Umfwileni yonse Imfumu nga ba peulu, 14 nakambi ne filolo, abatumwa pa mulandu bakanda bancitatubi no kulumba mbo abacita ifiweme. 15 Pantu mfi bufwayo bwa ku Lesa, pakwebati mukucita ifiweme mutalalika ukulanda kabututu kuli mbo ifiwelewele. 16 Abantu abakele, mwibomfya ubuntungwa bwenu kucakufimba pa buneke, nomba beni kwati ababomfi ba ku Lesa. 17 Po mucinshi bonse. Temwa bandume. Tina Lesa. Cindike Imfumu. 18 Abasha, beni abacumfwila kuli ba shikulu benu no mucinshi onse. Beni abacumfwila tekubapo kwenka kuli bashikulu abaweme abamutembo, nomba nakubonaushi. 19 Pantu nci kulumbanishiwa mfi, pamulandu wakwa kampingu waku Lesa, umuntu ashipikisha bulanda mukucula mutitikisha. 20 Ninshi busuma ndo bulipo awa bembuka ulo washipikisha ulo cili ukocushiwa?. Nomba ngolicitile iciweme ulo wacula ulo li ukokandwa, nci cilingile ukulubanishiwa ukufuma kuli Lesa. 21 Pantu ni pali nci mwe mwaitilwe, pamulandu Klistu ali muculile mwe. Ashile icakubwenako mukonke intampulo shakwe. 22 "Ye tacitilepo lubembu, nangula akabi akali konse ukusangula mukanwa kakwe". 23 Ulo ba musalwile, Ye tabwekeshemo umusalula. Ulo aculile, tabatinishemo, nomba Ye aipele umwine kuli ngo uupingula bwino. 24 Ye umwine apitile membu shesu mu mubili pa citi pakwebati fwe tufumeko ukufuma kulubembu no kwikala mubololoke. Mu filaso fyakwe emo twapolela. 25 Bonse mwe mwali kwendauka kubati ni mbelele ishilubile, ulo nomba we ulibwelele kuli kacema nakambi kangalila wamweo yenu.