¹ Petelo umutumwa waku Yesu Kristu, kubena fyalo abasalangana, mbo bali abasalilwe ukupula mu mushi wa Pontias, Galantia, Cappadosha, Asisha, na Bitania. ² Mfi fyali mukulingana na mano aku Lesa uyo uuli shifwe, ukupitila mukusangululwa ku milimo wa kuli mupashi, mucumfwila no kusanshiwa kwa mulopa wa ku Yesu Kristu. Lekeni icikuku cibe kuli mwe, no mutende wenu ulunduluke. ³ Muleke Lesa kabili tata wa Mfumu Yesu Kristu alo kutotelwa! mubukulu bwacikuku atupela ukufyalwa kwa bwangu kwisubilo ilikalilila ukupitila mukubuka kwa ku Yesu Kristu ukufuma kubafwile. ⁴ Mbu, ebupyani mbo ubutangonaikapo, mbo ubutakakowelepo, nakambi ubutakashilepo. Ukwasungilwa mwe mwiulu. ⁵ Mwaliba abacingililwa ku maka ya ku Lesaukupitila mucitetekelo pe pusukilo ilyo ili mukuboneka munshita ikoisa pantanshi. ⁶ Muli mbo nci cimwemwe pali nci, nangula cakweba ati cili ici seekele kuli mwe ukumfwa ubulanda mu macushi aalekene lekene. ⁷ Nci, ecishininkisho ca citetekelo cenu, nco icaba na maka ukucilapo pali golide uwo naika, nangu cakweba ati balamwesesha mu mulilo. nci cicitika pakweba ati icicetetekelo cenu cisanguke icakufumamo icakutotaisha, ubukata, no mucinshi pakusokoloka kwa ku Yesu Kristu. ⁸ Tamwamuba , nomba mwali mitemwa. Tamumu bona nduno nomba mwall sumina muli ye na kusangalala ne ishi tangalangwapo no kwisulamo no bukata. ⁹ Nomba nuikopokelela palwe nu ifitubuka mu cilets kelo cenu, ifisukilo lya nweo yenu. ¹⁰ Ba kaasesem bafwailishe no kwipushishe pali ili pufukuo, palua cikuku nco ica kuba icenu. ¹¹ Balikwipusha abati muntu ndo nangula inshita Mupashi waku Kristu muli bo walikulangisha ulo wa eshiwe ulo tafilaishibikwa ifya kucula fya ku Kristu no bukata ubwakukonkapo. ¹² Eli casokolokele kuli bo ukwebati tabalikuibombelapo abena benka, nomba nimwe, ulu balikulanda pafintu ifi bakomweba mbo abakoshimika imbila iyelele kulimwe muli Mupashi washila uwatuminwe ukufuma kwiulu - ifintu ifyo abangelo ba bwenene limo. ¹³ Nomba mukakishe umushipi wa mano enu. Mube abacenjele. Mubike isubilo lyenu ilifikilepo munkumbu isha kuletwa kuli mwe ulo Yesu Kristu akusokoloka. ¹⁴ Kuli mwe mwe bana bacumfwila mwipilibulapo mwabene kufyo mwali kukonka ulo mutaishibilepo. ¹⁵ Pakwebati uwamwitile aliba uwashila,namweo, kumo, mune abashilile mu mibele yenu yonse. ¹⁶ Pakwebati calilembwa, "mube abashilile, pantu nade ndishilile". ¹⁷ Lelo kuti muleita "Bata" ngo uupingula ukwabula akapatulula nokulingana ne milimo ya muntu, ulokuya nenshita mulwendo lobe mukatina. ¹⁸ Mulishibile ukwebati takuli silvele na golide uunaika mwasangwilwe ukufuma kumbela yenu iya bunangwa iyo mwasambilile kufikolwe fyenu. ¹⁹ Nomba mwe mwalilubwilwe ku mulopa uwelele uwa Kristu, uwali kubati mwana wa mbelele uutakwetepo icibipile nangu ubukoweshi. ²⁰ Kristu alishibikilwe ulo umufula wa calo taulabako, nomba afisuluka kuli mwe munshita nshino isha kupelako. ²¹ Ukupitila muli yee mulisumine muli Lesa, ngo uwamubushishe kubafwile no kumpa ubukata, pakwebati icitetekelo ne subilo fyaba muli Leas. ²² Mupange imitima yenu iyelelel mucumfwilo ku cishinka. Nci, ni pamulandu wa citetekelo capali buwenu, kanshi temwaneni umo no munankwe no mukonsha ukufuma mu mutima. ²³ Mwe muli fyelwe libili, tekunsekepo ishibola, nomba ukufuma kunseke ishitabolapo, ukupitila mwishiwi lya ilyaimininapo ilya ku Lesa. ²⁴ Pakweba ati, "umubili onse waba kubati cani, no bukata bwa uko bonse kubati maluba a ampanga aa cani. Pantu icani ciloma, na maluba nao alakuntika, ²⁵ Nomba ishiwi lya ku Lesa ilyo lyaba limininine iciyayaya". Nga mashiwi elyashi ilyelele ilya labilwe kuli mwe.