¹ Eliakoko namulenge enilolo ke einge Jisas Krais kita,me ita pa talup me tigingin volem kie,iem emvetami waim me. ² So vilelo eta akilale karnge avo,nate senga me namotounga page nanun,me nagonga tia avo ke nalaulau tia iemi relmomi so emkeve imai kiami,iwai nounaknga page naetne elo ke Einge so ipot o. ³ Sevio natamtamaol tea ipagurou ami avo.pavileko naetne eio pa eimul ke nasau ire natamtamaol pa tilonge langonga avo,me tivul siange pa Natavolo, me natamtamaol ke nalongoilnga pa ipot mange,eio natamtamaol ke isolia me itoke siange. ⁴ Eio natamtamaol seie sevame isalvetvet me ivira mule page ie ivul siange pae Natavolo me ivul ipot ke awaiange vileko ie volem ie Natavolo. ⁵ Kurim itoke pau ,ke nasau taio iau nagingin kiami ,iau navul liami pagire navunga erilo. ⁶ Eliakoko ,iami awotai so nasae iwai naialanga page,me ke nasau kie ngata ipot malamalange. ⁷ Pa eisaie nagol kounge ke nalongoilnga page nagonga ipot o,o,ila isou ire tiwuta mulei la . ⁸ Emul natamtamaol ke ilongoil page nangonga pa ipot mange,ie seie einge Jisas Krais pa ipamatenge page momotia ke ie awa.Me einge pa igulo tilnganga page ke ie lamulenga. ⁹ Nasau ke natamtamaol ilongoil page nangonga imai,ie pa itoke napaulonga ke satan me namirmir,erio nounaknga me napokakanga. ¹⁰ Me page napokakanga erilo kngare nagol popopuare avo ngata.Navunga erilo epa tipot ke ire seime pa tisolia page eisae,ire tiwatae nakimnga ke nangonga onaunange ke titoke namamatanga. ¹¹ Page pua enilo Natavolo pa igulore page nourata tea siange,me ire pa tioguai page napokakanga. ¹² Me nagol pua enilo eio vileko,neiwol einge pa tipot ke kot.Eio ire seime sovame tiwogaie nangonga onaunange avo io,me page ire,tinre igelgel ngata ke ikeve nagol popuare avo. ¹³ Nae vuno,iem sevaio emkeve savurim ila ke Natavolo page iami,waekme,seime einge ikim iami.Pa vileko,Natavolo mate tou ami muga o ke natoko mulenga,me apot nalngami luila ke spirit me naoguainga ke nangonga onaunange. ¹⁴ Natavolo ie ikavami,pa vileko, naroro ke naol popue page iami,eta iami isou ke atoke Glori ke Jisas Kraist ie einge. ¹⁵ So vileko, waek me,amarinal me akis votvot kire nagol iem empautaiami panga engonga avo ke nalaulau kiami. ¹⁶ Eliakoko Einge kita Jesas Kraist ie taua, me Tamara Natavolo ie seie ikimta me ikeve namamatanga pagita igingin volem. Me navunga popue ita pa tatoke eimul luila ke nakewainga. ¹⁷ Gingin pua me kain gole relmom luila ke nagol neingur popopue ke nangonga ke Nàtàvolo.