1 Tahuna a parava na Sabat i lobo,Meri Mekdalin turane kinane Jems e Salome ru kona ranga maki hulihuli,taga to ru na podane Isu na matmat. 2 Na ni vaka tubuna parava tahuna i rike a haro,ri lakea na matmat. 3 Ri ta mule ne ria maea,erei ge kule talea ra kedo na matana matmat? 4 Tahuna ri mata lokovonga,ri matai maea tara bakovi i kule talea pali a kedo na matmat,a kedo dagi hateka. 5 Ri dili na matmat ri masia tara koma bakovi i rodoa tara varikia olaola i keakea i made na limana kanena,lakea ri turutu. 6 Lakea i takia ria,"Moto nahani maegege.Mu matakana e Isu o Nasaret,ni vakatavore na bolo.Lakea i pesi rike mule tabu pali.Kimi made tabu koea.Masia kiri ni vaka mahita vona. 7 Lakea mu vano mu taki e hurika murimuri vona turane Pita ia i muga matou pali iea o Galili.Mu vano mu masia vonga.Manga hini taki. 8 Ri pagitala na matmat ri nunu ri vano.Ri vakulu ri magenge kama ri taki tara bakovi tara. 9 Na ni vaka tubuna parava,muri ne vona i mahuri mule,ia i bele muga ne Meri Makdalin,ra ngatavine i lilitala spirit hale i polorua vona e Isu. 10 Hurika tara ri made turana ri dodoa ri tangi ri made lakea ia i taki ria. 11 Ri longo ia maea ia i mahuri i matai a ngatavine. 12 Muri ne virika maki nga,i bele manga bakovi tara na matana murimuri e Isu,tahuna ri laho na dala. 13 Ri vano ri taki lobo e hurika murimuri ranga,pali kama ri luhoi tora ne ria. 14 Muri e Isu i bele ne hurika murimuri vona ri made na tebol,ia i ta dagi ne ria a vuhuna kama ri luhoi tora,i tora tamudine ria,kama ri luhoi tora ria e huriki ri masia ia i pesirike mule na ni mate. 15 Ia i taki maea ria,"Mu lakea na tabekena malala lobo mu takitala velenga kamumu ne hurika bakovi a ngatavine. 16 Erei i luhoi tora i bole a baptais,Deo biri bole mulea,erei kimi luhoi tora biri pesi na kot. 17 Re virika mak nga biri lakea turane huriki ri luhoi tora.Bara ri rata vuroki a spirit hale na Ragu.Bara ri ta na nita karaba. 18 Bara ri nugu a mata na limane ria.Pali bara ri ninu a naru hale keme ge rata pile ria.Bara ri ru langa limane ria ne huriki ri giloa bara ri mahuri." 19 Muri,na tahuna e ViriDagi i ta lobo ne ria ia i sike na hunu i made na limane Deo a kanena. 20 Hurika murimuri ri takitala velenga kamumu na hini lobo,lakea e ViriDagi i kori ria ri rata virika mirakol.