¹ अन्तमे भैयओ, प्रभुमे आनन्दित होबओ । तुमके जहे बात लिखिरहन मोके झन्झाट लगात नैयाँ, और बो तुमरे सुरक्षाके ताहिँ हए । ² कुत्तासे होशियार बैठओ, खराब काम कर्नबारेनसे होशियार बैठओ । अंग-कटाई कर्नबारेनसे होशियार बैठओ । ³ काहेकी परमेश्‍वरके आत्मामे पुज्‍नो और ख्रीष्ट येशूमे गर्व और शरीरमे भरोसा नाए धर्नबारे नेहत्यके खतना हम हए । ⁴ अगर मए अपनएके त शरीरमे भरोसा धर्नको कारण हए । कोइ आदमीमे शरीरमे धर्नके कारण हए करके कहत हँए तव, मिर त और जद्धा कारण हए । ⁵ आठौ दिनमे मिर खतना भव हए । मए इस्राएल जातिको, बेन्यामीन कुलको हौ, हिब्रको फिर हिब्र, व्यवस्थाके बारेमे हए तव एक फरिसी, ⁶ जोशमे बारेमे हए तव मण्डलीके सतान बारो, धार्मिकताके बारेमे हए तव व्यवस्था भव धार्मिकता बमोजिम निष्खोट ठहिरो हौ । ⁷ पर जित्तो बात मिर ताहिँ लाभदायक रहए, बे त् मए ख्रीष्टके ताहिँ बेकार मानो । ⁸ नेहत्य कह्नो हए तव ख्रीष्ट येशू मिर प्रभुके चिन्‍न पानो अमुल्य बातके तुलनामे सब बातके मए बेकार मानो । ख्रीष्टके प्राप्त करन सिकाओ करके बाके ताहिँ मए सब बातको नोक्सानी भोगो हौ, और बे सबके फोहर-मैला कता मए गिन्त हौ, ⁹ और सम्पूर्ण रुपसे मए बोमे भव पाए सिकओ । व्यवस्था उपर आधारित भव मेरो अपनो ध्रार्मिकता ना हए प्र मिर धार्मिकता जहे हए, जो ख्रीष्ट उपर निर्भर हए, जौन चाहिँ विश्‍वाससे परमेश्‍वरसे आन बारो धार्मिकता हए| ¹⁰ मए बोके और बाको पुरुत्थानको शक्ति जान सिकओ, और बाको मृत्युमे बो जैसो हुइके बक दु:ख भोगमे सहभागी होन सिकओ । ¹¹ सम्भव हए मरेसे मए पुनरुत्थान प्राप्त कर्न सिकओ । ¹² मए जा सब अग्गुसे प्राप्त करडरो हौ, अथबा मए अग्गुसे सिध्द हुइगव हौ करके त ना हए, पर बे बातके पकणनके ताहिँ मए अग्गु बढिगव हौ जौन बातके ताहिँ ख्रीष्ट मोके पकणी ! ¹³ भैया हो, मए जा सब पकण डारो हौ करके मए नाए ठानत हौ, पर मए एक काम कर्त हौ, कि पिछुक बात भुलके और अग्गुक बात घेन जोणसे लमक्त हौ ¹⁴ ख्रीष्ट येशूमे परमेश्वरको स्वर्गीय बोलावटमे पान बारो पुरस्कारके ताहिँ निशाना घेन मए जोणसे अग्गु बढत् हौ । ¹⁵ हम परिपक्क होनबारे चाहिँ सब अइसी मनके होबओ, और तुम कोइ बातमे और बिचारके हौ करके परमेश्‍वर तुमके बो फिर प्रकट करदे हए । ¹⁶ केवल हम जो प्राप्त करडारे हए, बोमे सह्रिला हुइके वैठए । ¹⁷ भैया हो तुम मिर अनुसरण करन बारे होबओ हमरमे तुम देखो नमुना अनुसार जिनबारेके देखओ । ¹⁸ मए बहुत चोटी बताए भए आदमीनके बारेमे फिर मए ख्रीष्टको क्रुसको शत्रुन जैसो जीवन बितात हए । ¹⁹ मए बहुत चोटी बताए भए आदमीनके बारेमे फिर मए ख्रीष्टको क्रुसको शत्रुन जैसो जीवन बितात हए । ²⁰ पर हमरो नागरिकता स्वर्गमे हए । हुवाँसे आनबारो मुक्तिदाता, अथबा प्रभु येशू ख्रीष्टको प्रतिक्षा हम कर्त हँए । ²¹ बो जौन शक्तिसे सब चीजके बोके अधीनमे ल्यान सिक्तहए, हमर नाश होनबारी शरीरके अपन महिमाको शरीर जैसो होनके परिवर्तन कर देहए ।