¹ Kumatalikilo, Leza wakalenga majulu anyika. ² Inyika teyakalikwe chiimo akubula chintu. Mudima wakali atala maanzi malamfu. Muuya wa Leza wakali kweenda ataala amanzi. ³ Muuya wa Leza wakati ''Akube muumuni,'' aalimwi muumuni wakaba. ⁴ Leza wakubona muumuni, kuti mubotu. Wakanzania muumuni kuzwa mumudima. ⁵ Leza wakawuzika muumuni ''sikati,'' alimwi mudima wakuyita ''mansiku'' ''Awo kwakaba goko achifumo, izuba lyakutanguna. ⁶ Leza wakati, ''Akube mulengalenga akati kamanzi, alimwi uwanzanie manzi kuzwa kumanzi. ⁷ Leza wakalenga mulengalenga akwanzania manzi akali munsi amulengalenga wamaanzi akali ajulu amulengalenga. Kwakaba mbubo. ⁸ Leza wakayita mulengalenga ''Ijulu'' kwakaba igoko akuseni izuba lyabili. ⁹ Leza wakati, ''Akube kuti manzi alimunsi amulengalenga ayoboloke aamwi kubusena bomwe, akuti ntundubwi iboneke.'' Kwakaba mbubo. ¹⁰ Leza wakawuzika intundubwi kuti ''Inyika,'' alimwi maanzi akayobolokede amwi wakawuzika kuti ''ndwizi.'' wakabona kuti nchibotu. ¹¹ Leza wakati, ''Inyika isyusye mweemvwe: azisyu zizyala mbuto, amisamu ilambuto ilimumichelo, umwi awumwi mbuli mumusyobo wawo.'' Kwakaba mbubo. ¹² Inyika yakazyala mweemvwe, michelo yakazyala imbuto yayo ayimwi mbuli mumisyobo yayo, aalimwi minsamu yakazyala michelo ilambuto ilimulinguwo, kwinda mumusyobo wayo. ¹³ Kwakaba goko achifumo, izuba lyatatu. ¹⁴ Leza wakati, ''Akube mimuuni kwanzania isikati kuzwa kumansiku aalimwi azibe mbuli zitondezyo, zyazyiindi, zyamazuba amyaka. ¹⁵ Azibe mumuuni kumulengalenga kuti zipe mumuuni anyika.'' Kwakaba mbubo. ¹⁶ Leza wakachita mimuuni mipati ibili, mumuuni mupati wakwendelezya buzuba, amuumuni munini wakwendelezya mansiku. Wakalenga inyenyezi alimwi. ¹⁷ Leza wakazibika mumulengalenga kuti zipe mumuuni anyika, ¹⁸ Kuti zyeendelezye buzuba aamansiku, akwanzania mumuuni kuzwa kumudima. Leza wakabona kuti nchibotu. ¹⁹ Awo kwakaba igoko achifumo, izuba lyane. ²⁰ Leza wakati, ''Maanzi azuzigwe amwelwe mupati wazilenge, alimwi abayuni bawuluke atala anyika mumulengalenga wajulu.'' ²¹ Leza wakalenga zilenge zipati, alimwi, mbuli zilenge zipati, zipona kuzwa kumisyobo yazyo, zilenge ezyo zyeenda azezyo zizwide mumaanzi busena boonse, aboonse bayuni balamababa kwinda mumisyobo yabo. Leza wakabona kuti nzibotu. ²² Leza wakabalongezya, kaamba kuti, ''Muzyalisye akuvula, akuzula mumaanzi amulwizi. Bayuni abavule anyika. ²³ Kwakaba goko akuseni, izuba lyamusanu. ²⁴ Leza wakati, ''Nyika izyale zilenge zipona, achiimo mbuli musyobo wacho, zivubwa, zintu ziyavula abanyima banyika, achimwi mbuli musyobo wacho.'' Kwakaba mbubo. ²⁵ Leza wakalenga zinyama zyamunyika kwinda mumisyobo wazyo, zivuubwa mbuli mumisyobo wazyo azyonse ziyavula aanyika kwinda mumusyobo wazyo. Wakabona kuti nchibotu. ²⁶ Leza wakati, ''Atupange muntu muchikozya chesu, mbuli mubube bwesu. Aababe abwendelezi aatala abaswi bamulwizi, aatala abayuni bakujulu, aatala zivubwa, aatala anyika yoonse aatala alizyonse zinyama ziyavula anyika.'' ²⁷ Leza wakalenga muntu muchinkozya chakwe. Muchikozyanio chakwe wakamulenga. Baalumi abanakazi wakabalenga. ²⁸ Leza wakabalongezya alimwi wakati kuli mbabo, ''Amuzyalane, akuvula, muzuzye nyika, akwibombya. Muube abwendelezi aatala lyabaswi bamulwizi, aatala lyabayuni bakujulu ajulu azintu zyoonse zyende aatala anyika. ²⁹ Leza wakati, ''Amubone, ndamupa zyoonse zizyala imbuto eeyo ili aatala anyika yoonse, ayonse minsamu ilamuchelo ooyo ulembuto mukati kayo. Ziyoba zilyo kulindinywe. ³⁰ Kuli woonse munyama wanyika, kuli boonse bayuni bamajulu akuli choonse eecho chiyavula anyika, akuli choonse chilengwa chiyoya ndamupa yoonse minsamu kuti chibe chakulya.'' Kwakaba mbubo. ³¹ Leza wakabona zyoonse nzyakachita. Amubone, chakabotesya. Kwakaba goko achifumo, izuba lyamusanu alimwi.