¹ Atabakaukabe, mintiro ni'ihairo bobano kumi'i hi'iribirera. Mintira ne tau atabakauka mono okara'a kempuka'abi baika, ne ko'e arara batake bira bitabiribi Kotira hoha'ira kate. Ne kempukai'ake nentara bata nunabu'iate, ne anirante aba'ara'ira kia hi'iruate. ² Ne eka atabakauka nai mara nai mara boha bara a'ubarema ne Ihu Karaitira lo ho'ama kebarabe. ³ Mintibaro bo baintimano iriro tiharo te homa bauro, ibaro biba nai ora mara'uraha'ira baiharo, nanarae bi baintiba naima nai una'ara mitebaibo. ⁴ Eka bainti nahenti bika nai kai'a u'aitake tabaibaro bira okara baibo bika nai nora autu barera, bi nora autura barera kia nai kai'a barataira'auma barebarabe. ⁵ Mintibaroma bohau bohau bainti nahenti bano nai mara naima baranarorabe. ⁶ Bainti tabae uba tiba nimibairaba nai ko'ehika ina rairakero tabae bira uba irinabatama amianobe. ⁷ Kia ne una'ara tiate bira nanarae, Kotiba kia una'ara tibai babe. Mintiroma nanahikae nenenta ututaira, bihaikarama nenta raruke tabebarabe. ⁸ Bainti tabae ora okara kara kubu ututairaba, bi okararama biba orahikama rantanarorabe. Bainti tabae Aiho Bainti kara kubu ututairaba, ko'e okara birarama biba ekaenta bariaina aihora baranarobe. ⁹ Kia tenabu ko'e okara mintirera popohare, bira nanarae kia tenabu ko'e okara mintirera popoharera bi entaba ani'e tintanabuma bi okarara raruke tabarabe. ¹⁰ Mintiboma boha ara bibama bainti nahenti taukae mara ura utika ko'ema nimitanobe. ¹¹ Tee ni nora pepa araruake nimuna ne bira tabee, bira te tenta kau'u'ihai ararua taunabe. ¹² Ma bainti nahentika tauke bainti abu'a ko'ebi baireka ibera ,bika bi ubara kempukai'ake baata to'ate tiabo. Karaitira autu'a mara bararora beti bika bira minti. ¹³ bainti taukae baata to'aka kia bika lo abate. Ne nenta baata to'aimanta bika ne baata to'aira'ahi nora autu barareka. ¹⁴ Mintiberama kiama te tenta autu bara bini'ira, bira nanarae bata ma'ahina okarabano ti irirahika ihairo utubibo Ihu Karaitira taurinia katari'a mintiberama kima te bata ma'ahina okara abatara. ¹⁵ Bainti bano bata to'eroe kiae bata to'era kia bira nora hikaube, u'ahika baireba tenabu arakai'a buare. ¹⁶ Bainti nahenti taukae bate ma'a baika Kotira umpo'ira banobata iha'ara auha banobata bika bata Isirari batana hampata bata bairo ¹⁷ Bate ma'ahiro betai biho, kia kairo bainti nahenti bobano ti orai'ama timitaire, bira nanarae Karaitira mara te tenta bata'a barebe. ¹⁸ Mintiboma atabaka, a'ira kaibo Nora Ihu Karaitira a'urihaka bano ni mara'ura batakero bariaire. U'abe,