¹ A'i umina baireriha, Kraitiba tinabu bara uminarai'ama kaibo. Kempukai'abira himpi baiha kia e'a bata kumi mintiha kumi kai'a bainti bo'ara bariane. ² Tabate, te Poluka, Te ni tibama nimuro. Ne nenta baata to'a kaibera, Kraitiba kiama bohika ni kaha'ianarobe. ³ Te e'a bata eka baainti taukae baata to'akaka tibanimirerabe, ne eka lo kempukai'ake abatate. ⁴ Ne Kraitira niarai bariaka, ne taukae kia kankomake lo tabataika, kima ne Kotira a'urihaka tabebarabe. ⁵ Aiho Bainti kempuka'a bata mara'ura ututa okarara'a bata, tenabu iha'abi baiha u'a okara mintiha bariare. ⁶ Ihu Karaitira'i, baintibano baata to'a kaibae o kia baata to'aiba kia bohikaha baibo mintibaroma biba tinabuara Kotirai mara'ura ututaira kempu kai'ake uatate tibo. ⁷ Ne ko'emabima bariabo. Tabae niara u'a uba kia abatate tibo? ⁸ Minti bahabera ubaba kia Ihuba tabae ni araira no'i hairoauma anibo. ⁹ Inara yisibano breti bara norai'a kebairabe. ¹⁰ Te Noraini mantiakema mara'ura uturo kima are bohika bata mitinabe. Taa bainti nahentibae ai rarauriba kumi mintiana, biba ora ko'ama baranobe. ¹¹ Atabakaunabe, te niara baata to'ate tiha, te ni mara'ura orai'ama karabe bi okarara te ni rabi'iha kia maripo abatate ti. ¹² Mintibamo ta baintibae niara kempuka uba tibo, te bikarama naii taba to'ake barakatema turo. ¹³ Atabakaukabe, are umina bainti bairebirera, kia nena ora okara mintina arara rantane. Are borara borara antu'ariha bikara ko'e'iane. ¹⁴ Eka Mosera lo bano bo lo ira a'ira'a obarai'abirabe, bira mintiroma baibo, are nenara antu'arina tekera atababakara bata antu'aruane. ¹⁵ Are i'oka ra'iha bora orai'amiteha, are ko'eke raurihabe kima bira aiho bararo. ¹⁶ Mintibaroma te ni tibanimuro, ne Aiho Bainti'ira nihama ne kiama Kotira abu'a kumi mintireka ibarabe. ¹⁷ Harua ararabano kiama Aiho Bainti okarara antu'aruanaro, mintibaroma bikahanta nabuta bo'ara baibama are nanahikae mitireba ina kiama mintinabe. ¹⁸ Mintibaroma ne Aiho Bainti'ira baibera, Lo bano kima ni rumpa tanarobe. ¹⁹ Mintibaroma harua arara bano a'ira'ama obarai'a buanarobe, natabatiara ia okaraba bata ora irirahika banobata bainti nahenti aiho orai'a mitaba bata bo'ake ora okara mintirara iribariaka bata. ²⁰ Una'ara kotira'a mono'ia okaraba bata ora aiho'a bata i'oka ra'ua okaraba bata borara kia uahe okaraba bata borara tauba'a uba tia okaraba bata borara araraita mitera nenara'i boa'akera iriha kia ko'e ubahau tiha bokantira rauha bireba autiha. ²¹ Huhi autua okaraba bata namai orai'ake neha werai'iha bobano ihaikara rarauri rarauriha, te baka ni mantiake tiba nimunarabe taa bainti nahentibae bi okarara mintibairaba kiama Kotira batuka'ira ori'etenarabe. ²² Mintibaroma Aiho Bainti kara mantiroma baibo, antu'arua okaraba bata, uaha okaraba bata, iha'ira auha bara okaraba bata, iha'ira okaraba bata, ko'e auha bare okaraba bata, ko'e okara mintiraba bata u'a okara mintiraba bata. ²³ Ko'e okara bo bainti nahenti bata umi'ane, nena bara muntubikera, bihaikara kiama bohika barianarobe. ²⁴ Ta bainti nahentibae Ihu Kraitira batairaba, bika kumibano Ihu kantiro maripo'a utuma bibo. ²⁵ Minti'e tenabu Aiho bainti'ira bariarera, tenabu Aiho Bainti batakenabu nuare. ²⁶ Kia tenabu borara una'ara tiha arara unkaka namamiteha tiroriha bariare.