¹ Yaimma kana yawitana kepanamu yau-weqma Itu yiraiye a'aqa noapaq maiye aâimma itatueta. ² Taipaq wayuka naupaq iyauma otapikaroq okikura-wana ma'aqa ima maitana Itu pa'a' min aukapi maena wa'ata tima yimikaiye. ³ Wa'ata ketitata yaimma wayuka karere na'aqa wiqme ta irae.Abo kayata-kayate wayuka karere na'aqa kukutaraq matu-weta yaguyameta ireta. ⁴ Aonamma wayuka otapi karaq iya urataba karere na'aqa yagu-yameta na'a-na'muraq mu-maketa,naa-namuma yawatareta karere na'aqa a'nnaraq yuwa-wana Itu maikaq kukaiye. ⁵ A'wiqme ye'kayukati yimakaki Itu kaonena mara tena timamikaiye. Eni tai a'aima matuwa-une ketaniko'o. 6 Titata moteteni aro-aika anbari ura kayuka yu yananma yuyananopaq itama keiyaineta,Ituma akayamma keti yaketa ,mara tirae. ⁷ " Nara itana Itu mamira naimma ketio? Itogo wenama amiq tai aimma matuwaniye teta Ituma a tima taike'eta akayama tirae. ⁸ 8 Pa'ataka Itu yerawati yu'yanamma ite a'one ke'ena timayimi-kaiye,tirunopaq noi-tuyananaq keitao? ⁹ Karere na'aqa noi-'awaqna ainaq tima mino'o? Eni tai aimma matu-waiye tino a'aqa enikukuta mame itouma ko'wa'o tino'? ¹⁰ Mirai-manibo maa mararaqo tai amma mo matuwaiq akonaq kimora Itogo ni aniko matokaiyete ite-aone uwo tena karere na'atapa tiraiye. ¹¹ Kema etaba tune,ituma ena wana kemaye naaopaq kowao tena Itu tima mikaiye. ¹² Mira tima-mitana Pa'ataka weni wa'na keyawatena wayukati tupaq ito-uma yaupatuwena koitata, matemaiyana umaretatirae, " ma-mira aimma ita kaona'una yatare." ¹³ Abo, Ituma yauweqma no-paaq kumitata netuqya kayuka yoyo owana a'ama-aimma tima yimikaiye. ¹⁴ Tima-yimi tuwera aakaq marena kukumena aoimma Parapaetini aniko Anibai takitimo mayai nakoni naoq maitana Itu tena tiraiye,tinae warao titanaitouma annae wakaiye. ¹⁵ Abo Itu Aribaini naupaa maena awaqa takitimo mayai wayu kagaraq tai aikaraq wayukate weni titaipora anna, matema maeta kenawata netuya wayuka weni ona-ema wakae. ¹⁶ Mira-oma nibo, Motetinin aro aikaqa anabari urayu aonamma takiti maya-kayukagaraq tai aikaraqwayukate,maena awaqa kenaitata, mara teta weni mayai-iyaporawakaq itarae."Nora itata waq tai aikaraqwayukagaraq tukiti maya kayukate awaqa ketaiya?" ¹⁷ Teta tewana,Itu min aimma keitena, mara timayimi kaiye;karimo imo maya kayukama tuta na'aqa ima kapowe, abo kari wayuka tuta na'aqa ima kapaowe ,abo kari wayuka uraama tuta na'aqa kapaowe ." Kemo kukaunakateko wayukaraq i kukaune,tai aikaraq wayukaraq kukaune tena Itu tiraiye. ¹⁸ Yonini maayai annagaraq Yumo mame uwi wayuka awaqa aweta ureta nunamuma ke'ete wata yaimma wayuka wekaq ireta, mara teta tirae,noraq itata Yonini mayai-annagaraq aroroa anabari ura yuti mayai-awaqa aweta ureta nunamuma kete wata,eni mayai,anna ima mira keo'o? ¹⁹ Tewana Itu tima yimikaiye, " aramo mayai naqo mai natama o'maqo ya aikuiya kayuka paawaqa aweta inoe. ²⁰ Yaweqma Itu yerawaqa tima yimi kaiye,weni kana yinie,mi naaqo yepikemo awiqma yaiyana mikaq awaqa aweta inoe. ²¹ Abo mora nako ima auke katoma karama nayo katoraq marena aratanie,ayuko auko aiknie. ²² Anibo ima mora na'ako auke waeni nayo waeni anabima atimara-nie, ayuku anna-yupakinana weni atima anataki-nie. ²³ Abo mora tabatiraqa Itu marena witi yopike witata weni mayai-anna yaimma weti araamaq kutawana. ²⁴ Yumo mame uwi wayuka Itu ya teta, mapaq aaqa yuke tiao, tabatiraq noi aitabaq moteteni aro komo imo taro uwo tirai naima taro keo?" ²⁵ Miratewana,Itu tima-yimikaiye, " Tebitimo aayai tanama miraurai maima iyaq yarauma ketio,weka raqa wetemo mae urayu. ²⁶ Abi yatamo ano naaqo mono naaqo maikaqa narauma Tebiti urena monokaq ano kayukama nai bareti mama kenena yaimma weni imayai wanuka yimikaiye. ²⁷ Itu tena ,wayukago Tabita yabi-iyo, tabatiko ima wayukaraq yabi-inie tena tiraiye. ²⁸ " Mi-aitaba Itogoni anikoma tabati koni abo wae,"