¹ Yesus ufu jo gu be hu nui di nuana,abi dana bubu ma adiana,jobou dana,men eh jo ai mei eau nu muafan. ² Ma adina ine mei dugi,joben eh?Men ol otig ohiss beh bilei ol beh tononau. ³ Olives tutu ohiss ufu jo u tubanu bibilian,Peta,Yemes,Jon,Andru ai o-ole deina. ⁴ Magiga el sain eteteb ho bein?El sain eteteb ho bein . ⁵ Yesus ma adina da ameigia ol hub efa de haba gu wanag. ⁶ Kulum bo ise jenimi gu sonigin ise bo enigin(Yesus). ⁷ Sain o-gu adegi o egu adegi enegin bo hub isdunag,ele o ale soin bo sain beh edel. ⁸ Maha ol ajib ol ai adein,mim ai nian,ea ai beh main,ho bo ulumen na sanamain. ⁹ Ine ve dugal,efe seig ufu jo ilu dana amag gu wa negin.Masan ofdou ilu dana amag gu tavegan ise jenimi nu,ifan ive. ¹⁰ Je sisu ho maha maha iho val. ¹¹ Sain fal se bil fe hub isdunag.Sain ho gu Dogon na Gismu ine ai bilin. ¹² O-tin ai adeb adeb eh hin,memiagal ai himenagal ai. ¹³ Ise jenimi gu dana ine meisou ulenegin.Ine gagadi meg tavegan bo haul ogan. ¹⁴ Ine nu gemanag bebeb fa bo gad tavega,Juda bilegi ho ula de tutu gu um nunegin. ¹⁵ Ine bo jobab ohiss bili ho ulun ode bilia,eteteb ol hub edinau. ¹⁶ Ine bo jesan o bay ho beh soh jamel bubu edenau. ¹⁷ O deb haid mel su jeu ai,mel alal ai wawag dou ai. ¹⁸ Inon dugan eteteb ho baban sain gu hub alesonau. ¹⁹ Dogon maha mudiana,sain gu u-lumen ede ol be suana,fau beh alesonau. ²⁰ Sain Dogon del gohie mudin,kulum beh omun,bo dana haid gavadiana ho nu del gohie mudin. ²¹ In bo masin,fe gi Yesu ehan ho a hoan,wavin hub guguhu menau. ²² Yesu o-bou dana,Dogon o-bou abi dana soig animiseig kobbol kobol o-denigin. ²³ Hub u aniebil ajeig vedeig meieg taveggial,ulumen beh sou nininan ma adina. ²⁴ Sain ulumen beh main hum gagatutein,jagal ai beh ieginau. ²⁵ Malabi au ohiss de tonein,au u num juwe juwein. ²⁶ Odeb Dogon mela au ohiss de neneb fenegin,gagadi bubu ai nein. ²⁷ Ode akel bubu sul dib maha besi balai gu nueg dana wawag guguhumeu edinegin. ²⁸ Nafig ho mei dub bo ise doe igin,ham sain bo baga golodianu. ²⁹ Ho meidug bo dogan Yesus na neiu sain utuabanu mei. ³⁰ Guguhu ma adigi siul eh beh behmenau,ele u num alesob meh. ³¹ Au maha ai beh main je sisu bo beh behmenau. ³² Neau sain bubu ige u num beh dobanu,mela ai,memeg bo adi duanu. ³³ Ve dug meiegal ele nu ige sain beh dobanu. ³⁴ Dana ol eben nuni abi dana jo ofdou nu ma adina,abi gavagava adina dana abunou ho madiana jo hub ulunag. ³⁵ Onu meieg ve dugal el sain jo memeg wahain,jahiv,tugemag ho o-ojageb. ³⁶ Baimbeh waeh fe hub u aninin mei sinau. ³⁷ El je masigi ho eli ai ma adegal,weh deigial.